კინო
ცნობილი ლამაზმანები, რომლებმაც კარიერა ზრდასრულთა ფილმებში მონაწილეობით დაიწყეს
2023, 22 აპრილი, 19:50
მსახიობები, რომლებმაც მეინსტრიმულ-კინოში გადანაცვლებამდე თავიანთი კარიერა ზრდასრულთა ფილმებით დაიწყეს, მრავალი გამოწვევისა და წინააღმდეგობის წინაშე აღმოჩნდნენ. დღეს, სწორედ იმ ოთხი მსახიობის შესახებ ვისაუბრებთ, ვინც კარიერა საეჭვო ფილმებში თამაშით დაიწყო.
კამერონ დიასი
კამერონ დიასმა კარიერა მოდელობით დაიწყო, მოგვიანებით კი ბედი დიდ კინოშიც სცადა. მსახიობისთვის რეჟისორ ჩაკ რასელის 1994 წელს გადაღებული ფილმი "ნიღაბი, რომელშიც მას პარტნიორობას ჯიმ კერი უწევდა ერთგვარ გარღვევადაც კი იქცა, თუმცა მანამდე 2 წლით ადრე კამერონმა მონაწილეობა მოკლემეტრაჟიანი ფილმის გადაღებაში მიიღო, მალევე მსახიობმა ეროტიკული ხასიათის ფილმის შემქმნელის წინააღმდეგ სასამრთლოში სარჩელი შეიტანა, რომელსაც მასალის გავრცელება აეკრძალა.
წარმატების მიუხედავად, დიასი თავისი სამსახიობო წარსულისა და ნარკოტიკების მოხმარებას გამო კრიტიკის ობიექტი დიდი ხნის განმავლობაში იყო.
სიბელ კეკილი
თურქული წარმოშობის გერმანელმა მსახიობმა სიბელ კეკილიმ ფილმში "სახით კედლისკენ" შესრულებული როლისთვის საერთაშორისო აღიარება და კინოკრიტიკოსთა დადებითი შეფასებები დაიმსახურა, თუმცა გოგონას არც ისეთი "სუფთა" წარსულიც არავის დავიწყებია, რისთვისაც ის კრიტიკის ქარცეცხლში არაერთხელ მოექცა, მეტიც, ზოგმა მსახიობი "ინდუსტრიის" შელამაზებაშიც კი დაადანაშაულა.
ფილმ "სახით კედლისკენის" გამოსვლიდან მალევე, გერმანულმა ტაბლოიდურმა გაზეთმა "Bild-Zeitung"-მა კეკილის ადრინდელი პორნოგრაფიული ნამუშევრები გამოაქვეყნა, რამაც საზოგადოების აღშფოთება გამოიწვია, მისმა მშობლებმა კი გოგონასთან ყოველგვარი კონტაქტი გაწყვიტეს. სიბელ კეკილიმ 2004 წელს ზემოხსენებულ ფილმში შესრულებული როლისთვის სპეციალური პრიზიც დაიმსახურა, მსახიობმა სატელევიზიო ეთერით გამოსვლისას ცრემლმორეულმა ისაუბრა მედია-საშუალებების მიერ გამოქვეყნებული მასალების შესახებ. მოგვიანებით გერმანიის პრესის საბჭომ (Deutscher Presserat) "Bild-Zeitung"-ს აღნიშნული ამბის გაშუქებისთვის საყვედურიც კი გამოუცხადა.
სანდრა ბალოკი
სანდრა ბალოკმა, სანამ ის ფილმ "დამანგრეველით" მეინსტრიმულ - კინოში გადაინაცვლებდა თავისი სამსახიობო კარიერა თეატრში თამაშითა და სატელევიზიო სერიებში მონაწილეობით დაიწყო, შესრულებულმა როლებმა ფილმებში "სიჩქარე" და "მის კონგენიალურობა" ბალოკი დიდების მწვერვალზე აიყვანა, თუმცა კრიტიკის ობიექტი პირადი და პროფესიული წარუმატებლობების გამოც არაერთხელ გამხდარა.
დემი მურის ადრეული კარიერა
დემი მურის ადრეული კარიერა მოდელობის გარდა, სატელევიზიო და მხატვრულ ფილმებში თამაშსაც მოიცავდა, სწორედ მისი ადრეული ნამუშევრებიდან არის ცნობილი ისეთი ფილმები, როგორიცაა "წმინდა ელმოს ცეცხლი" და "მოჩვენება", თუმცა წარმატების მიუხედავად მის მიერ ფსიქოაქტიური ნივთიერებების ბოროტად გამოყენებამ და ბრიუს უილისთან განქორწინებამ, ისევე როგორც 2000-იან წლებში კარიერულმა რყევებმა მისი, როგორც მსახიობის მიღწევები საგრძნობლად დაჩრდილა.
