მაშ ასე, ვემზადებით ომისთვის! ეს რა თქმა უნდა ხუმრობით, ისე კი შემოდგომის გარდერობის, კიდევ ერთი აქტუალური ტენდენცია მილიტარის სტილში გადაწყვეტილი პიჯაკები, ნამდვილად მისცემს ბევრ ლამაზმანს ამორძალის იმიჯის მორგების საშუალებას. ორბორტიანი, სამხედრო უნიფორმის სტილში გადაწყვეტილი პიჯაკი, რომელიც ერთნაირი წარმატებით შეგიძლიათ ატაროთ, როგორც დახეულ ჯინსებზე, ისე ტყავის ლოსინებზე და მოკლე კაბებზე, ნებისმიერ ქალს, განსაკუთრებულ სექსუალობას და მომხიბვლელობას ანიჭებს. სპეციფიური სილუეტი კი რომელიც მას ახასიათებს, ჩვენი სხეულის ე.წ "არაკორექტულ ფორმებსაც" ოსტატურად შენიღბავს. ასე რომ თამამად შეგიძლიათ საკუთარი გარდერობი, არა ერთი ორი, სულაც სამი ამგვარი "საბრძოლო კოსტუმით" შეავსოთ.