სხვა გერმანელმა არქეოლოგებმა სენსაციური განცხადება გააკეთეს ქარვის ოთახის თაობაზე 2023, 23 მარტი, 9:19 
გერმანელი მკვლევარები ირწმუნებიან, რომ ლეგენდარული ქარვის ოთახი ქ.დრეზდენის მახლობლად მდებარე მადნეულის საბადოების მთების გამოქვაბულების სიღრმეებშია გადამალული. არქეოლოგები ლეონარდ ბლუმი, ჰიუნტერ ეკარდტი და პიტერ ლორი უკვე მხცოვანები არიან. საინტერესოა, რომ მათი წინაპრები ვერმახტის დაცვის ბატალიონში მსახურობდნენ. დაკარგული ქარვის ოთახის საიდუმლო მათ სანდო ანონიმურმა წყარომ გაანდო. კედლებზე ნანახი იქნა კაბელების კვალი, რომელიც ძვირფასი ტვირთის გადასაზიდად გამოიყენეს. გეორადარების მონაცემების მიხედვით, გამოქვაბულების ქვეშ მდებარეობს საიდუმლო გვირაბების სისტემა-აცხადებს ეკარდტი. შეგახსენებთ, რომ ქარვის ოთახი შეიქმნა ფრიდრიხ ვილჰელმ I-ის (პრუსიის მეფე) დაკვეთით პრუსიელი ოსტატების მიერ, ხოლო შემდეგ დიპლომატიური საჩუქარი გაეგზავნა პეტრე პირველს. ოთახი თითქმის მთლიანად (პანელები, დეკორის ელემენტები, პანო) ქარვისგან შესდგება. დიდი სამამულო ომის წლებში გერმანელმა ნაცისტებმა ქარვის ოთახი ცარსკოე სელოს სასახლიდან კენიგსბერგში გადაიტანეს, 1945 წლის გაზაფხულზე კი უკვალოდ გაქრა. არქეოლოგები დიდხანს უშედეგოდ ეძებდნენ ფასდაუდებელ განძს. აღნიშნული სენსაციური განცხადება შეიძლება ის რეალური შანსი იყოს, რომ წერტილი დაესვას ქარვის ოთახის გაუჩინარების ისტორიას. |
  |
Intermedia.ge © 2011-2024 წელი
საავტორო უფლებები დაცულია
 |
