უპილოტო მანქანებს შეუძლიათ ინფორმაციის გაცვლა როგორც ერთმანეთთან, ასევე მუნიციპალური მოძრაობის მართვის სისტემებთან. აქედან გამომდინარე, გაჩნდა კითხვა მათი მონაწილეობით ტრაფიკის ოპტიმიზაციის შესახებ. მეცნიერები ვარაუდობენ, რომ ამას ხელს შეუწყობს შუქნიშნის დამატებითი თეთრი სიგნალი კონტროლირებად გზაჯვარედინებზე.

რატომ არის საჭირო სისტემის ცვლილება

სანამ უპილოტო მანქანები გზაზე იშვიათად გვხვდება, შუქნიშნების კონსტრუქციის შეცვლა საჭირო არაა: ტრადიციული მოდელები სამი სიგნალით თავის საქმეს ასრულებს. თუმცა, ვინაიდან უპილოტო მანქანების რაოდენობა სულ უფრო იზრდება და გზაზე უფრო ხშირად ჩნდება, ეს საჭიროება შეიძლება გაჩნდეს უახლოეს მომავალში.

შუქნიშნის თეთრი სიგნალის არსი

იდეა ასეთია. თუ უპილოტო მანქანების ჯგუფი უახლოვდება კონტროლირებად გზაჯვარედინს, ისინი ინფორმაციას გაცვლიან ერთმანეთთან და კომპიუტერთან, რომელიც აკონტროლებს შუქნიშნებს ამ გზაჯვარედინზე. ასე ყველა უპილოტო მანქანა კოორდინირებულად იმოძრავებს ჯგუფში სხვა მანქანების მოძრაობის და შუქნიშნის განსაზღვრით. გამოდის, ზოგი საჭირო მიმართულებით წავა, ზოგი კი თავის რიგს დაელოდება.

თუ გზაჯვარედინზე უფრო მეტი უპილოტო მანქანაა, ვიდრე ჩვეულებრივი, მაშინ შუქნიშანზე თეთრი სიგნალი აინთება. ეს ჩვეულებრივი მანქანის მძღოლებს ანიშნებს, რომ უპილოტოებს კვეთაზე გავლის უპირატესობა აქვთ და უბრალოდ მათ უნდა გაჰყვნენ. თუ ისინი გაჩერდებიან, გამოდის, უნდა გაჩერდეთ, ხოლო თუ ისინი გადიან გზაჯვარედინს, მაშინ შეგიძლიათ გზა გააგრძელოთ.

თუ გზაჯვარედინზე ძირითადად ტრადიციული მანქანებია, მაშინ შუქნიშანზე გამოჩნდება მძღოლებისთვის ჩვეულებრივი ნიშნები. ამ შემთხვევაში თეთრი შუქი არ აინთება.

დამატებითი სიგნალის უპირატესობა

მეცნიერებმა ჩაატარეს ამ იდეის კომპიუტერული სიმულაციები, რომლებიც დაფუძნებული იყო მოძრაობის რეალურ ნაკადზე. მან აჩვენა, რომ ამ იდეას ბევრი უპირატესობა აქვს. ზოგიერთ შემთხვევაში, თეთრი ფერი შუქნიშანზე მოძრაობაში შეფერხებებს 90%-ზე მეტით ამცირებს.

იდეის ავტორი ამტკიცებს, რომ უპილოტო მანქანები თეთრი შუქნიშნის გარეშეც აუმჯობესებენ მოძრაობის დინებას, ამიტომ დამატებითი ფერი უფრო საჭესთან მჯდომს სჭირდება. გარდა ამისა, შუქნიშანზე თეთრი შუქი ხელს უწყობს საწვავის მოხმარების შემცირებას, რადგან მანქანა დანიშნულების ადგილისკენ მიმავალ გზაზე ნაკლებ გაჩერებას აკეთებს.

ასევე დასძენს, რომ იმ სცენარებშიც, როდესაც მოძრაობაში ჩართულია უპილოტო მანქანების მხოლოდ 10%, შუქნიშანზე თეთრი სიგნალი საგზაო შეფერხებას 3%–ით ამცირებს. სხვათა შორის, აუცილებელი არაა, რომ დამატებითი შუქი თეთრი ფერის იყოს. მეოთხე ფერად ნებისმიერი შეთანხმებული ფერის გამოყენება შეიძლება.

ასევე დაგაინტერესებთ:

1. ავტომობილის ერთი მოდელი, რომელშიც არცერთი ადამიანი არ გარდაცვლილა! აი, ის

2. ეს უბრალოდ არის რაღაც ფანტაზიის ჟანრიდან. მდიდრული სასტუმრო ბორბლებზე

3. ყველაზე დიდი საავტომობილო საცობები ისტორიაში

4. 6 სახიფათო აქსესუარი მანქანაში, რომლებიც უნდა მოიშოროთ

5. წყლით სავსე პლასტმასის ბოთლი მანქანაში: რატომ შეიძლება იყოს სასიკვდილოდ სახიფათო

6. ტომ კრუზი, სილვესტერ სტალონე და არა მხოლოდ: ცნობილები საყვარელ ავტომობილებთან ერთად