გერმანიაში გახსნეს ბოლო წლების ყველაზე არაჩვეულებრივი საქმე.

ყველაფერი აგვისტოს ბოლოს დაიწყო. ერაყული წარმოშობის გერმანელი ქალის, 24 წლის შაჰრაბანის უსიცოცხლო ცხედარი გერმანიის ქალაქ ინგოლშტადტის მახლობლად მისი მშობლებისგან მოპარული მანქანის უკანა სავარძელზე იპოვეს.

დედ-მამა, რომლებიც რამდენიმე დღის განმავლობაში ეძებდნენ დაკარგულ ქალიშვილს, უარი თქვეს მის იდენტიფიკაციაზე, რადგან ვიღაცამ უკიდურესი სისასტიკით დაასახიჩრა გვამი. სხეულზე 50-ზე მეტი ჭრილობა აღენიშნებოდა, განსაკუთრებით სახე იყო დასახიჩრებული, თუმცა ეჭვი არ შეპარვიათ - ეს მათი საყვარელი შაჰრაბანი იყო.

ჭირვეული და მშვენიერი ახალგაზრდა ქალი გრძელი შავი აბრეშუმისებრი თმით და სასიამოვნო სქელი ტუჩებით მუდამ კავალერების ყურადღების ქვეშ იყო, მკაცრ ისლამურ ტრადიციებში აღზრდილი ოჯახი ყოველთვის ცდილობდა დაეცვა იგი მდიდრული ცხოვრების ცდუნებისგან. მაგრამ აჰა, ვერ მიაქციეს ყურადღება! რა თქმა უნდა, მისგან ერთ-ერთმა უარყოფილმა მამაკაცმა ასე სასტიკად იძია შური თავიანთ ულამაზეს ქალიშვილზე.

ფოტოზე შაჰრაბანი

ახალგაზრდა ქალის დამწუხრებული ოჯახი დაკრძალვისთვის ემზადებოდა, როდესაც უცნაური რამ მოხდა. მოვიდა დნმ-ის ანალიზი, რომელმაც აჩვენა, რომ მოკლული გოგონასგან აღებული ნიმუშები შაჰრაბანის გენეტიკურ მასალას არ ემთხვეოდა. კიდევ ერთხელ შეამოწმეს- იგივე პასუხი.უფრო მეტიც, თითის ანაბეჭდებიც არ ემთხვევა. მაშ ვინ მოკლეს? და სად გაქრა შაჰრაბანი მთელი ამ ხნის განმავლობაში?

ინგოლშტადტის საუკეთესო დეტექტივებმა გამოძიება დაიწყეს. რამდენიმე დღის შემდეგ მათ გაარკვიეს, რომ გოგონა, რომელიც შაჰრაბანს ჰგავდა, ქალაქის მახლობლად მანქანით მოძრაობდა და ეს ხდება მას შემდეგ, როდესაც ცხედარი აღმოაჩინეს.

თავდაპირველად, პოლიციამ ჩათვალა, რომ ერთ-ერთმა ტყუპისცალმა დამ მოიშორა მეორე რაღაც მიზეზის გამო, მაგრამ შაჰრაბანს დები არასოდეს ჰყოლია. მათ სოციალურ ქსელებში მისი მიმოწერა და ასევე ინტერნეტში საძიებო სიტყვები წაიკითხეს.

აღმოჩნდა, რომ ბოლო რამდენიმე თვის განმავლობაში შაჰრაბანი ინტერნეტში ეძებდა მის მსგავს თანატოლებს (საბედნიეროდ, სილამაზის სტანდარტები ოქროს ახალგაზრდებს შორის არ არის მრავალფეროვანი და პლასტიკური ქირურგია სასწაულებს ახდენს). გამომძიებლებმა იპოვეს რამდენიმე დიალოგი შაჰრაბანსა და ახალგაზრდა შავგვრემან გოგონებს შორის, რომლებსაც ის სხვადასხვა ყალბი საბაბით შეხვედრას სთავაზობდა. შედეგად დაითანხმა ხადიჯა- ალჟირული წარმოშობის გერმანელი გოგონა.. ამჯერად ექსპერტიზას ეჭვი აღარ გასჩენია: მორგში სწორედ მისი ცხედარი იწვა.

დეტექტივებმა შეძლეს ამ თავსატეხის ამოხსნა.

მშობლების მზრუნველობით დაღლილი შაჰრაბანი ოცნებობდა საყვარელთან ერთად სახლიდან გაქცეულიყო. მაგრამ მან იცოდა, რომ ისინი არ მისცემდნენ მშვიდი ცხოვრების საშუალებას, ამიტომ მან გადაწყვიტა საკუთარი სიკვდილის ინსცენირება ინტერნეტით ნაპოვნი ორეულის დახმარებით მოეწყო.

ფოტოზე: ხადიჯა + მთავარ ფოტოზე მარჯვნივ

საცოდავი ხადიჯა გახდა სხვისი ოჯახური ინტრიგების მსხვერპლი, შაჰრაბანმა საყვარელთან ერთად გოგონა ტყეში გაიტყუეს და იქ სასტიკად მოკლეს. შემდეგ შაჰრაბანის ტანსაცმელი ჩააცვეს და ცხედარი შაჰრაბანის დედ-მამის მანქანაში ჩადეს. შოკში ჩავარდნილი მშობლები ვერც კი წარმოიდგენდნენ, რომ მათ თვალწინ სრულიად უცხო ადამიანის გვამი იდო.

რამდენიმე თვის შემდეგ შაჰრაბანი და მისი საყვარელი შეკირი დააკავეს სხვა ქალაქში, სადაც ისინი ყალბი სახელებით ცხოვრობდნენ. ახლა ისინი გისოსებს მიღმა არიან და სიჩუმეს ამჯობინებენ. ბრალის დამტკიცების შემთხვევაში ორივეს სამუდამო პატიმრობა ემუქრება.

ფოტოზე: შაჰრაბანის საყვარელი შეკირი, რომელიც ასევე მკვლელობაში მონაწილეობდა.

ინგოლშტადტის პოლიცია კი ბოლო წლების ყველაზე უჩვეულო შემთხვევის გახსნას ზეიმობს.