ინტერნეტში გავრცელდა შოკისმომგვრელი კადრები, სადაც ერაყში მოტოციკლეტისთა ღონისძიებაზე მამაკაცების ბრბო თავს დაესხა 17 წლის მოზარდ გოგონას "შეუსაბამოდ" ჩაცმის გამო.

17 წლის გოგონა მამაკაცთა ბრბოს სამიზნე გახდა ერაყის ქურთისტანში, იგი დაადანაშაულეს იმაში, რომ სარბოლო ღონისძიებაზე მრბოლელთა ყურადღების გადატანას უწყობდა ხელს.

ვიდეო, რომელიც სულეიმანიაში მრბოლელის მიერ არის გადაღებული ჩანს, რომ მოზარდი ცდილობს დაეტოვოს ტერიტორია, შემდეგ კი იძულებულია გაიქცეს. მას კი მამაკაცების ბრბო მისდევს ყვირილით: "ბ**ი".

გოგონას, რომელიც ირანის მოქალაქეა, შავი მაისური, ყავისფერი ჟაკეტი და მოკლე ნაცრისფერი ქვედაბოლო აცვია.ჩანს, რომ მას ცხვირთან ხელსახოცი აქვს მიტანილი და სწრაფად შორდება მამაკაცებისა და ბიჭების დიდ ბრბოს, რომლებიც აგრძელებენ ყვირილს და ტელეფონებით მის ჩაწერას.

TikTok-ზე გამოქვეყნებული სხვა ვიდეოეჩი ჩანს, რომ ტრასის პირას გოგონა ბაიკერებით არის გარშემორტყმული

ერთი მამაკაცი მას წიხლებს ურტყამს, იმ დონეზე, რომ გოგონა გაჩერებულ მანქანას ეხეთქება.

ქურთისტანის Draw Media-ს ცნობით, 30 დეკემბერს გამართული ამ კონკრეტულ ღონისძიების ჩატარება ქალების გარეშე მოითხოვეს.

გოგონას თან ახლდა მეგობარი მამაკაცი, სახელად აჰ ხანაკი, რომელიც ცდილობდა ჩარეულიყო და უსაფრთხო ადგილზე გაეყვანა გოგონა.

მაგრამ ის ჯერ სცემეს და შემდეგ ცივი იარაღით აჩეხეს, ნათქვამია The National News-ის მოხსენებაში.

ინციდენტთან დაკავშირებით სულეიმანიის პოლიციამ თექვსმეტი ადამიანი დააკავა, ეჭვმიტანილებს ჩამოართვეს რამდენიმე დანა და ხმალი.

ინციდენტი მოხდა იმ ფონზე, როცა მეზობელ ირანში დემონსტრანტები აგრძელებენ საპროტესტო აქციებს, მას შემდეგ, რაც ჩადრის არ ტარების გამო ახალგაზრდა ქალი პოლიციამ დააკავა, რა დროსაც იქვე განყოფილებაში გარდაიცვალა.