სხვა
სად ინახება ალბერტ აინშტაინის თვალები?
2022, 20 დეკემბერი, 16:08
ბრაზილიის პირველი იმპერატორის, პედრუ I-ის გული უკვე 187 წელია პორტუგალიის ლაპას ღვთისმშობლის ტაძარში სპეციალურ ხსნარში ინახება. სამშობლოში ის მხოლოდ რამდენიმე დღით, ქვეყნის დამოუკიდებლობის 200 წლისთავის აღსანიშნავად ჩაიტანეს.
გენიალური მეცნიერისა და კაცობრიობის უდიდესი ფიზიკოსის, ალბერტ აინშტაინის სპეციალურ ხსნარში დაკონსერვებული თვალები ნიუ-იორკის ერთ - ერთი ბანკის სეიფში ინახება.
გალილეო გალიელის მუმიფიცირებული შუა თითის ნახვა მსურველებს ფლორენციის მეცნიერების ისტორიის მუზეუმში შეუძლიათ, ხოლო რაც შეეხება ამერიკის რიგით მე-16 პრეზიდენტის, აბრაამ ლინკოლნის თავის ქალას ფრაგმენტები და ტყვია, რომელმაც ის სიცოცხლეს გამოასალმა შეგიძლიათ აშშ-ს ჯანმრთელობისა და მედიცინის ეროვნულ მუზეუმში იხილოთ. ფილადელფიის სამედიცინო კოლეჯის მუზეუმში, მინის ქილაში აშშ-ის ყოფილი პრეზიდენტის, გროვერ კლივლენდის ყბაზე არსებული წარმონაქმნის ხილვის შესაძლებლობაც გაქვთ.
რაც არ უნდა გაგიკვირდეთ, ერთ-ერთ კერძო კოლექციაში ნაპოლეონის მუმიფიცირებული სასქესო ორგანოც კია დაცული, ხოლო თუ პეტერბურგის ეროტიკის მუზეუმის კედლებში ერთხელ მაინც აღმოჩნდით გრიგორი რასპუტინის დასპირტულ "ღირსებას" აუცილებლად გადააწყდებით.
