პროფესორი, მედიცინის დოქტორი (PhD)და საზოგადოებრივი ჯანდაცვის ექსპერტი, ვაქცინებისა და იმუნიზაციების გლობალური ალიანსის (GAVI, the Vaccine Alliance), დამოუკიდებელი განხილვის კომიტეტის წევრი გიორგი ფხაკაძე სოციალურ ქსელში წერს, რომ ქვეყანა უამრავი პრობლემის და გამოწვევის წინაშე დგას და ამ დროს ნომერი პირველი ნიუსი მესამე პრეზიდენტისა ჯანმრთელობის მდგომარეობაა, რამაც ხალხი დაღალა:

შეგახსენებთ, საქართველოს მესამე პრეზიდენტი მიხეილს სააკაშვილი რუსთავის მე-12 პენიტენციური დაწესებულებიდან კლინიკა „ვივამედში“ 12 მაისს გადაიყვანეს და იმ დროიდან მოყოლებული იქ მკურნალობს, როგორც კლინიკის ხელმძღვანელმა ამ რამდენიმე დღის წინ განმარტა სააკაშვილის მდგომარეობა საყურადღებოა.

„მისი პარამეტრები შეესაბამება იმას, რომ პაციენტი აგრძელებდეს მკურნალობას ზოგადი პროფილის თერაპიულ განყოფილებაში, სადაც ის ამჟამად იმყოფება. რა თქმა უნდა, პაციენტს აღენიშნება ზოგადი სისუსტე. პაციენტს აღენიშნება გულისრევის შეგრძნება, თავბრუხვევა. ამას არავინ უარყოფს და ამის კონსტატაცია ხდება ყოველდღიურად მისი ჩივილებიდან გამომდინარე. პაციენტი არის ადინამიური, ნაკლებად აქტიურია, გადააადგილდება მხოლოდ დამხმარე საშუალებების გამოყენებით. რა თქმა უნდა, მისი მდგომარეობა საყურადღებოა“, – განაცხადა ჩხაიძემ.