სამოსის შერჩევა, რომ საპასუხისმგებლო საქმეა, — სუსტი სქესის ყველა წარმომადგენელმა იცის. ხარისხიანი და ლამაზი ნივთების შეძენაზე უფრო მნიშვნელოვანი, ის არის, რომ ის თქვენი სხეულის წყობას, - გარეგნობას შეესაბამებოდეს.
სამოსის შერჩევისას, შეცდომა რომ არ დაუშვათ, უპირველეს ყოვლისა, საკუთარი სხეულის ტიპი უნდა დაადგინოთ და ბრძნული რეკომენდაციები გაითვალისწინოთ, თუ როგორი სამოსის შერჩევა ღირს, რომ თავი დედოფლად იგრძნოთ! მაშ, ასე, სამოსის შერჩევა, სხეულის ტიპის მიხედვით:

გადმობრუნებული სამკუთხედი

განიერი მხრები და ვიწრო თეძოები — შეცდომის გარეშე შეიძლება ითქვას, რომ ეს სპორტული აღნაგობის მაჩვენებელია. თუ თქვენ ე. წ. «სამკუთხედის» აღნაგობის სხეული გაქვთ, ჩათვალეთ, რომ გაგიმართლათ.
სხეულის ეს ფორმა, ამჟამად ძალიან პოპულარულია და უამრავი ქალბატონი სპორტულ დარბაზს არ ტოვებს, რომ ამ ფორმებს რამენაირად მიუახლოვდეს. იმისთვის რომ სხეული ჰარმონიულად გამოიყურებოდეს, ქვედა და ზედა ნაწილის გათანაბრება არის საჭირო. სამოსი იმის მიხედვით უნდა შეირჩეს, რომ თეძოები იყოს ხაზგასმული ანუ აქცენტი, თეძოებზე უნდა გააკეთოთ.

ძალიან მოგიხდებათ А-სილუეტის კაბები და ტრაპეციისებური ქვედაბოლოები. აირჩიეთ კლასიკური სტილის მარტივი მოდელის სამოსი, მშვიდი ფერებით. სახელო - რეგლანი, მხრის თარგის შერბილებული ხაზებით.

უარი თქვით განიერ საყელოებზე, მაისურებზე, განიერი სახელოებით და პიჯაკებზე, მხრის ბალიშებით (ე. წ. ლიპები).

მართკუთხედი

იმ შემთხვევაში, თუ მხრები, წელი და თეძო, თითქმის, ერთი ზომის გაქვთ, მაშინ თქვენი სხეული, ფორმის მიხედვით, «მართკუთხედია».
დიდი საყელოები და განიერი სახელოები, ნაოჭები თეძოს არეში, თქვენს სხეულს ისეთ ხაზებს შესძენს, რომელიც წელს უფრო ვიწროს გამოაჩენს, ვიდრე სინამდვილეში არის. გარდა ამისა, თქვენი სხეულისთვის ყველაზე ოპტიმალური სწორი, მხრებიდან დაშვებული სილუეტი იქნება.
ვიწრო, სწორი შარვალი და ქვედაბოლო — ეს ის არის, რაც თქვენ გჭირდებათ. ძალიან მოგიხდებათ სამოსი ვერტიკალური პრინტით.

უარი თქვით ტანზე მომდგარ, ვიწრო სამოსზე — ეს ნამდვილად არ არის თქვენი სტილი.

ქვიშის საათი

სხეულის ასეთი ფორმის მფლობელებს, ნამდვილად გაუმართლათ: სწორედ ასეთი ქალბატონებისთვის არის შექმნილი ტანზე მომდგარი კაბები. ასეთი სხეულის უმთავრესი სამშვენისი — მკვეთრად გამოხატული წელის ხაზია.

უარი თქვით ქსოვილის გაფორმებაზე და დამატებით დეტალებზე, რომლებსაც სხეულის სილუეტის დამძიმება და კილოგრამების დამატება შეუძლია.

მსხალი

თუ განიერი თეძოები და გამხდარი, მასთან კონტრასტული ზედა ნაწილი გაქვთ — ე. ი. მსხლის ფორმის სხეულის მფლობელი ბრძანდებით. სამწუხარო ის არის, რომ სხეულზე მომდგარი ქვედაბოლოები საერთოდ უნდა დაივიწყოთ.
სამოსის შერჩევისას, საუკეთესო ვარიანტი — А-ფორმის სილუეტია. ხაზი გაუსვით ვიწრო წელს და მოერიდეთ დეკორს თეძოების არეში, რომ დამატებითი ყურადღება არ მიიქციოთ სხეულის ამ ზონაზე. შეეცადეთ, რომ აქცენტი მკერდზე და ლავიწებზე გადაიტანოთ. ისარგებლეთ მასიური ბროშებით და ბიჟუტერიით. დავარდნილი ქსოვილის ქვედაბოლო და ლიფი და კორსეტი ზორტების (“ბრეტელები") გარეშე, ნამდვილად დაგამშვენებთ — შიშველი მხრები ყოველთვის ყურადღების ცენტრში ხვდება. მაგრამ, პრობლემა ის არის, რომ შიშველი მხრებით ყოველთვის ვერ ივლით და ასეთი შემთხვევებისთვის, საუკეთესო ვარიანტი — სვიტრია, დიდი ზომის პრინტით ან ნახჭით (უზორი).
ცივ სეზონზე შეგიძლიათ ტყავის ქურთუკი ჩაიცვათ და ხშირად ატარეთ ფეხსაცმელი მაღალი ქუსლით, რაც სხეულის მსხლისებური ფორმის შემთხვევაში, განსაკუთრებით მნიშვნელოვანია.

ვაშლი

სხეულის ასეთი ფორმის შემთხვევაში, უპირველეს ყოვლისა, ის უნდა გაითავისოთ, რომ უბრალოება — ყველაზე შესაფერისი გზა არის, იმისთვის რომ კარგად გამოიყურებოდეთ. რაც უფრო მარტივია სამოსის თარგი, მით უფრო ეფექტური იქნებით მასში.
ვერტიკალური ნაკერები და ჩანაკერები, ბევრად უფრო კარგად წარმოაჩენს თქვენს სხეულს. არ ჩაიცვათ განიერი და წელზე მჭიდროდ მომდგარი სამოსი. საუკეთესო ვარიანტია, თავისუფალი, ტომრისებური ზედა და ფენებიანი ქვედაბოლო.
შეხედეთ ქვემოთ მოცემულ ორ სურათს: ორივე ქალბატონს ვაშლის ფორმის სხეული აქვს. პირველს შავი კოსტიუმი საერთოდ არ უხდება, ხოლო კაბა, ბერძნულ სტილში, ნამდვილად რომ სწორედ არის შერჩეული.
რაც შეეხება სამოსის ფერებს, ამ მხრივ, არანაირი შეზღუდვა არ არსებობს. არ არსებობს შეზღუდვები პრინტებზეც. ქსოვილთან დაკავშირებით, შეზღუდვა მხოლოდ ფაქტურაზეა — ის აუცილებლად თხელი და ნაზი უნდა იყოს!

ყოველთვის სრულყოფილად რომ გამოიყურებოდეთ, მკვეთრად გამოხატეთ საკუთარი ინდივიდუალობა და დაივიწყეთ ყველა სახის კომპლექსი — არ არსებობს ადამიანი იდეალური ფორმებით. უბრალოდ, არსებობენ ადამიანები, რომლებსაც სწორედ ჩაცმა შეუძლიათ და არსებობენ ისეთები, ვინც ამაში კარგად ვერ ერკვევა. აქ მოცემულ რეკომენდაციებს თუ გაითვალისწინებთ, მარტივად შექმნით თქვენთვის შესაფერის გარდერობს, რომელშიც ყოველთვის შეუდარებელი იქნებით!

არხის სხვა სიახლეები:

* გულისამაჩუყებელი იგავი, რომელიც ყველა ჩვენგანს ეხება

* თაყვანისმცემელი მთელი წელი დასდევდა ვარსკვლავს, რომ სასიკვდილო სენისგან ეხსნა

* "მფრინავი ქვები" და ელექტრო დენი ძველ ეგვიპტეში

* "უცხოპლანეტელებმა დედამიწის კოლონიზაცია არაერთგზის მოახდინეს" ...

* 20 ფოტო, რომელიც ნამდვილად გაგაოცებთ

* ისტორიის კიდევ ერთი საიდუმლო გაიხსნა – ნაპოვნია ჩინგიზ-ყაენის საფლავი

* "აგურის ცეცხლი", ანუ როგორ გავთბეთ შეშის გარეშე