ისტორიამ შემოინახა კლეოპატრას წარწერა პაპირუსზე, რომელიც ზოგიერთი მკვლევარის თქმით ითარგმნება როგორც "გააკეთე ეს!". აღნიშნული დოკუმენტი ამჟამად ბერლინის ეგვიპტის მუზეუმში ინახება. თქვენ წინაშეა ისტორიკოსების მიერ ისტორიაში ყველაზე "ცხელი" დედოფლის შესახებ შეგროვებული ყველაზე "ცხელი" ფაქტები, რომელთა შესახებ შესაძლოა არაფერი იცოდით!

კლეოპატრა იყო პტოლემეების დინასტიის ერთადერთი წარმომადგენელი, რომელმაც ეგვიპტურ ენაზე კითხვა, წერა და საუბარი ისწავლა. საერთო ჯამში, მას 7 ენაზე საუბარი შეეძლო.

ძველ ეგვიპტეში ფარაონების პერიოდი 3 ათასწლეულს გაგრძელდა. გაერთიანებული ეგვიპტის პირველ ფარაონ ნარმერისა და ეგვიპტის ბოლო ფარაონს კლეოპატრა VII-ს შორის დროის ინტერვალი 3000 წელზე მეტი იყო.

კლეოპატრა ხშირად იყენებდა მზაკვრულ ხრიკებს პოტენციური მოკავშირეების მოსაზიდად. მაგალითად, ერთხელ მარკუს ანტონიუსთან შესახვედრად ის ოქროს ბარჟაზე ქალღმერთ აფროდიტეს ფორმაში გადაცმული მივიდა. ანტონიუსი, რომელიც თავს დიონისეს განსახიერებად თვლიდა, მისით მყისიერად მოიხიბლა.

ცნობილი სკულპტურა "მძინარე არიადნა" გველის სამაჯურის გამო, რომელსაც ისტორიკოსების აზრით, კლეოპატრა ატარებდა დიდი ხნის განმავლობაში დედოფლის სკულპტურად შეცდომით ითვლებოდა.

იულიუს კეისარი და კლეოპატრა ერთმანეთთან რომანტიკულ ურთიერთობაში და პოლიტიკურ ალიანსში იყვნენ. იულიუს კეისარს კლეოპატრას ფული, ხოლო დედოფალს არმიის დახმარება სჭირდებოდა, რათა ეგვიპტე საკუთარი კონტროლის ქვეშ მოექცია და ის პტოლემე XIII-ისგან დაეხსნა.

1917 წელს ეკრანებზე ფილმი "კლეოპატრა" გამოვიდა. წლების შემდეგ ფილმი 1937 წელს ხანძრის დროს დაიწვა. დღესდღეობით, ორსაათიანი ფილმიდან მხოლოდ 17 წამია დარჩენილი.

მარკუს ანტონიუსისა და კლეოპატრას ერთადერთი ქალიშვილის, კლეოპატრა სელენ II-ის საფლავი ალჟირში მდებარეობს. მშობლების თვითმკვლელობის შემდეგ ის რომში ჩაიყვანეს, მოგვიანებით კი გოგონა ცოლად ბერბერის პრინცს, ჯუბა II-ს გაჰყვა. მისი საფლავი საუკუნეების განმავლობაში იძარცვებოდა, ოდესღაც კი ის საფრანგეთის საზღვაო ფლოტის მიერ სამიზნე პრაქტიკებისთვის გამოიყენებოდა.

1881 წელს ნიუ-იორკის ცენტრალურ პარკში ააგეს ეგვიპტური ობელისკი სახელად "კლეოპატრას ნემსი". მის ქვეშ განთავსებული კაფსულა შეიცავს 1870 წლის აღწერის სიებს, ბიბლიას, ვებსტერის ლექსიკონს, შექსპირის სრულ ნაწარმოებებს, ეგვიპტის გზამკვლევსა და დამოუკიდებლობის დეკლარაციის ასლს.

კლეოპატრა ყველა დროის ერთ-ერთი უმდიდრესი ქალი გახლდათ. მისი ქონება დღეს, თანამედროვე სტანდარტებით დაახლოებით 95, 8 მილიარდი ამერიკული დოლარი იქნებოდა.

მიუხედავად იმისა რომ კლეოპატრა ეგვიპტეში დაიბადა, ის ეგვიპტელი არ იყო. მისი საგვარეულო წარმომავლობა მაკედონიურ საბერძნეთსა და პტოლემე I სოტერს მიეკუთვნებოდა, რომელიც ალექსანდრე მაკედონელის ერთ-ერთი გენერალი გახლდათ.

დედოფლის, როგორც მშვენიერი "პროფესიონალი" მაცდურის დიდება მთლიანად ოქტავიანეს მიერ იყო შექმნილი, მიუხედავად იმისა, რომ მას ლამაზმანად აღწერდნენ, ის უფრო ცნობილი თავისი ინტელექტითა და მომხიბვლელობით იყო.

კლეოპატრასა და მარკუს ანტონიუსის საფლავი ჯერაც არ არის ნაპოვნი.

დედოფალი მსჯავრდებულებზე სხვადასხვა მომაკვდინებელ შხამს ცდიდა, კლეოპატრა ერთხელ იმ დასკვნამდე მივიდა, რომ ასპიდის ნაკბენი სიკვდილის ყველაზე ნაკლებ საშინელი საშუალება იყო.

იულიუს კეისრის ერთადერთი ვაჟი, ცეზარიონი, ეგვიპტის უკანასკნელი ფარაონი გახლდათ. მიუხედავად იმისა, რომ კლეოპატრა იფიცებოდა რომ ის კეისრის ვაჟი იყო, კეისარმა ის ოფიციალურად არასოდეს აღიარა.

კლეოპატრა ამტკიცებდა, რომ მისი სილამაზე კიტრის დამსახურება იყო.

ეგვიპტის დედოფალი სპეციალურ ტუჩის საცხს უკვეთავდა, რომელიც ჭიანჭველებისა და მუქი წითელი კარმინის ხოჭოების დაქუცმაცებული ნარევისგან შედგებოდა.

კლეოპატრა 500 წლით უფრო ახლოს ცხოვრობდა მთვარეზე დაშვებასთან, ვიდრე დიდი პირამიდის დასრულებასთან.

თანამედროვე კალენდრის შემქმნელი არა იულიუს კეისარი, არამედ ეგვიპტელები იყვნენ. რომაული კალენდარი მთვარის იყო და ის 355 დღისგან შედგებოდა. ეგვიპტელებმა იცოდნენ, რომ წელიწადში 365 დღე იყო, რადგან ნილოსის ადიდება პიკს ყოველწლიურად ერთსა და იმავე დღეს აღწევდა. კეისარმა ეს შეიტყო კლეოპატრასთან ურთიერთობის დროს და შექმნა იულიუსის კალენდარი.

ეგვიპტის უკანასკნელი დედოფალი ახალგაზრდული კანის შესანარჩუნებლად ვირის რძის აბაზანებს იღებდა. ლეგენდის თანახმად, დედოფლისთვის რძის საწარმოებლად 700 ვირი იყო საჭირო.

კლეოპატრამ და მარკუს ანტონიუსმა ჩვენს წელთაღრიცხვამდე 41 წელს საკუთარი კლუბი დაარსეს, რომლის სტუმრებიც რთულ თამაშებსა და შეჯიბრებებში მონაწილეობდნენ, ასევე ალექსანდრიის ქუჩებში გადაცმულები დადიოდნენ და მოსახლეობას ამასხარავებდნენ.

პტოლემეებს შორის ინცესტის გამო კლეოპატრას მხოლოდ ორი წყვილი ბებია-ბაბუა ჰყავდა.

ლეგენდის პოპულარობის მიუხედავად რომ კლეოპატრამ თავი ასპიდის დაკბენით მოიკლა, უფრო სავარაუდოდ, ჟღერს ვერსია, რომლის მიხედვითაც მან თავი სწორედ ოპიუმისა ადა კონიოს ნარევით მოიკლა.

იულიუს კეისრისა და კლეოპატრას ვაჟს ცეზარიონი ერქვა, რაც ითარგმნება როგორც - "პატარა კეისარი".