ზოგჯერ ჩვენ არ ვირჩევთ ჩვენს შინაურ ცხოველებს, მაგრამ ისინი გვირჩევენ ჩვენ. ისინი უბრალოდ შემოდიან ჩვენს ცხოვრებაში და აცხადებენ: "გინდა თუ არა, მაგრამ მე ვრჩები". დაახლოებით ასეთი ამბავი დაემართა სპორტსმენს ტაილანდიდან, სახელად ჰემჯირას: მისი ოთხფეხა მეგობარი მას ფაქტობრივად გზის პირას ელოდა.
გოგონა დიდი ხანია სპორტით არის დაკავებული და ხშირად იღებს მონაწილეობას მარათონებში. ცხოველებიც ძალიან უყვარს: სახლში ბევრი ოთხფეხა მეგობარი ჰყავს, ძაღლებიც და კატებიც.

ბანგკოკში მისი ერთ-ერთი მარათონი გეგმის მიხედვით არ წარიმართა. მანძილი იყო 26 მილი (დაახლოებით 42 კმ). თუმცა, 7 მილის (11 კმ-ზე ცოტა მეტი) გავლის შემდეგ გოგონამ გზის პირას მარტოსული პაწაწინა ლეკვი შენიშნა, რომლის გვერდით არავინ იყო.
ჰემჯირა გაჩერდა, პატარა ლეკვი ხელში აიყვანა და დარჩენილი გზა მასთან ერთად გაიარა. ფინიშის ხაზამდე ხელში ეჭირა.

ჰემჯირას სურდა შეემოწმებინა, იყვნენ თუ არა იმ ადგილას სხვა ლეკვებიც და შესამოწმებლად დაბრუნდა, მაგრამ ბუჩქებში სხვა აღარავინ დახვდა.
პატარა ლეკვი მდედრი აღმოჩნდა და ახალმა პატრონმა მას ნომ ჩონი დაარქვა, ვეტერინართან შემოწმების შემდეგ კი სახლში წაიყვანა.

ერთი წლის შემდეგ უკვე გაზრდილი ძაღლი მარათონს ისევ პატრონთან ერთად ეწვია, რა თქმა უნდა, ამჯერად ის ხელში აყვანილი არავის ჰყავდა. ფინალურ ხაზამდე ჰემჯირასთან ერთად ირბინა.