კონკრეტულად რაც ვიცი: გატაცების დროს ეს ქალი ყოფილა ფეხმძიმედ, ის ბავშვი, რომელიც გაჩნდა, იყო გოგო. შვილივით გაზარდეს, მაგრამ ფაქტია რომ ის ქართველი იყო დედითაც და მამითაც. დაოჯახდა და ასე შემდეგ. ეს ისტორია შთამომავლებს გადაეცემათ. ისტორიასთან ერთად რაღაცა ნივთები, რაც საქართველოდან გაყოლილი იყო და თავის შვილებს (გოგოს) დაუტოვა, იმან თავის გოგოს და ასე შემდეგ...

ბოლო თაობას გოგო არა ჰყავს და ამ ახალგაზრდამ გადაწყვიტა თავისი დიდი ბებიის ნათესავები საქართველოში მოიძიოს. ჩამოიტანოს ის მცირე ნივთები, რაც დარჩა მისგან და აქ, მის სამშობლოში მიწას მიაბაროს.

იციან რომ სოფელი საიდანაც გაიტაცეს, იყო ახლოს დაღესტნის მთებთან და სოფლებთან, იმიტომ რომ გამტაცებელი ხშირად მალულად მიდიოდა ამ ქალის სანახავად, შეუყვარდა და მალულად უყურებდა თურმე. ბოლოს მოიტაცა.

ახალი დეტალი: რამდენიმე წლის წინ ყოფილან ჩასული საქართველოდან ამ ქალბატონის ნათესავები, უშუალოდ ქართველი ბავშვი შთამომავლები ვერ უნახავთ სოფელში და უკან გაბრუნებულან.

ხომ არავის არ ეცნობა ეს ამბავი?" - წერია გამოქვეყნებულ პოსტში.

ისტორიამ ჯგუფის წევრების დიდი გამოხმაურება გამოიწვია. მომხმარებლები ვარაუდობენ რომ ქალი შესაძლოა ყვარლის რაიონის სოფლიდან ყოფილიყო და ქალის დაღესტნელ შთამომავალს დნმ ტესტის გაკეთებას ურჩევენ.