საზოგადოება
"გარბის ისევ რუსეთში, თორე ევროპას და ამერიკას რომ ვერ გაქაჩავს თავად იცის" - სულაშვილი კვალიაშვილზე
2022, 30 ოქტომბერი, 12:49
"AFG"-ის აღმასრულებელი დირექტორი ნუგზარ სულაშვილი მომღერალ ეკა კვალიაშვილის საქართველოში გაუსაძლისი ეკონომიკური გაჭირვების გამო ქვეყნის დატოვებასთან დაკავშირებით გაკეთებული განცხადების გამო "ფეისბუქის" პირად გვერდზე აკრიტიკებს და წერს:
"აი ეს გახლავთ ირაციონალური აზროვნების სამაგალითო ნიმუში. ადამიანი მადლობას უხდის "პატრონს", რომელიც ლუკმას უგდებს, მონობის და კუდის ქიცინის სანაცვლოდ, თუმცა სულაც არ აწუხებს ის, რომ ამ ხნის განმავლობაში მას მხოლოდ თევზის ჭამა ასწავლეს და არა მისი დაჭერა.
სამადლო ლუკმის მიუხედავად ის მაინც გარბის... მაგრამ მაინც მადლობას უხდის მას, ვინც საქმე გასაქცევად გაუხადა.
გარბის... სამწუხაროდ ალბათ ისევ რუსეთში, თორე მისი კონკურენტუნარიანობა ევროპას და ამერიკას რომ ვერ გაქაჩავს, თავად უკეთ იცის."- წერს ნუგზარ სულაშვილი სოციალურ ქსელში და ეკა კვალიაშვილის "ჯორჯიან თაიმსის" პირდაპირ ეთერში გაკეთებული განცხადების სქრინს აზიარებს.
