ბრიტანული გამოცემის Daily Mail-ის მიმოხილველები მივიდნენ დასკვნამდე, რომ რუსეთის პრეზიდენტის, ვლადიმერ პუტინის მიერ ქვეყნის რიგ რეგიონებში საომარი მდგომარეობის შემოღება მოახლოებულ ბირთვულ აფეთქებას უკავშირდება.

ვლადიმერ პუტინმა უკრაინის ოკუპირებულ რეგიონებში საომარი მდგომარეობა გამოაცხადა, ოფიციალურმა პირებმა დაიწყეს მშვიდობიანი მოსახლეობის ევაკუაცია ქალაქ ხერსონიდან და ახლა უკვე მიმდინარეობს ბრძოლა ძირითადი ბაზების კონტროლისთვის.

პუტინმა განცხადება მას შემდეგ გააკეთა, რაც უკრაინაში მისმა ახალმა მეთაურმა სერგეი სუროვიკინმა განაცხადა, რომ ხერსონში ვითარება "დაძაბულია". ევაკუაცია იქ დღეს დაიწყო, როდესაც ვლადიმერ სალდომ, კრემლის კაცმა განაცხადა, რომ ქალაქიდან 60 000-მდე ადამიანი იძულებით გადაადგილდება მომდევნო ექვსი დღის განმავლობაში, რაც იმას მიანიშნებს რომ მასზე თავდასხმა შეიძლება მოხდეს ერთი კვირის განმავლობაში.

პუტინმა განაცხადა, რომ ბრძანება ძალაში შევა შუაღამიდან დონეცკის, ლუგანსკის, ხერსონისა და ზაპოროჟიეს რეგიონებში, რაც მას აძლევს ფართო უფლებამოსილებას, შეიზღუდოს მშვიდობიანი მოსახლეობის უფლებები, საწარმოების რეპროფილება მოხდეს და ზეწოლა მოახდინოს უკრაინის შეიარაღებულ ძალებში, რათა შეებრძოლონ მათ თანამემამულეებს, თუმცა გაურკვეველია, გამოიყენებენ თუ არა ყველა ამ უფლებამოსილებას.

ბრძანება ასევე ეხება ოკუპირებულ ყირიმს და კრასნოდარს, ბელგოროდს, ბრაიანსკს, ვორონეჟს, კურსკსა და როსტოვს, ანუ იმ რუსეთის ქალაქებს, რომლებიც უკრაინას ესაზღვრება. გაურკვეველია, კონკრეტულად რა ღონისძიებები მოქმედებს აქ, თუმცა პუტინი მას სრულ საომარ მდგომარეობას არ უწოდებს.

სავარაუდოდ პუტინი ამზადებს „ბირთვულ დემონსტრაციას“ და ამისთვის შავი ზღვის აკვატორიაა არჩეული.

„ეს იქნება პირველი ბირთვული აფეთქება ღია ცის ქვეშ 1960-იანი წლების შემდეგ“, - ნათქვამია სტატიაში.

ამ ფონზე ლონდონმა გააფრთხილა მოსკოვი, რომ ბირთვული იარაღის გამოყენებას სერიოზული შედეგები მოყვება.

სხვა ბრიტანული გამოცემის, The Times-ის ავტორებს მიაჩნიათ, რომ საომარი მდგომარეობა შემოიღეს ხერსონზე უკრაინის შეიარაღებული ძალების მიერ მოახლოებული თავდასხმის გამო, ხოლო რეგიონის დაკარგვა საკმაოდ დამამცირებელი იქნება რუსეთის შეიარაღებული ძალებისთვის.

პირველად ოქტომბრის დასაწყისში გაჟღერდა ინფორმაცია, რომ პუტინმა ატომური იარაღის სავარაუდო დემონსტრირება შეიძლება შავ ზღვაში განახორციელოს.წყარო რუსეთის თავდაცვის სამინისტროს მაღალჩინოსანია.