და მარიტა, რომელიც ამ ნაძირალამ დაპატიჟა ვაკის პარკში სათამაშოდ, ამ ბავშვის გადასარჩენად გადაეშვა შადრევანში და დაიღუპა.

ამ ყველაფრის მნიშვნელობას რომ ბოლომდე ვაცნობიერებდეთ, გული უნდა გვქონდეს გახეთქილი უკვე."- წერს ირინა სარიშვილი.

შეგახსენებთ, რომ 13 ოქტომბერს ვაკის პარკში დატრიალებული საშინელი ტრაგედიის დროს გადარჩენილ ლა­ზა­რე ლობ­ჟა­ნი­ძეს თბი­ლი­სის მერი, კახა კა­ლა­ძე ეს­ტუმ­რა და სა­ჩუქ­რე­ბი - ნაკ­რე­ბის მა­ი­სუ­რი და ბურ­თი გადასცა. მოზარდის მიერ დედაქალაქის მერთან ერთად გადაღებული ფოტოების სოციალურ ქსელში გავრცელებას საზოგადოების მხრიდან ნეგატიური შეფასებები მოჰყვა.

კახა კალაძე "ფეისბუქზე" გამოთქმულ კრიტიკას ცოტა ხნის წინ, გამოეხმურა და განაცხადა რომ ის მოინახულებს ყველას, ვისი მადლიერიც არის და ვინც ამ ტრაგედიით დაზარალდა:

"რაც შეეხება იმ კამპანიურ აჟიოტაჟს, რომელიც ჩემი და ჩვენი თავგანწირული თანამშრომლის, დევი მეზურნიშვილის შეხვედრამ, ჩემს მიერ პატარა ლაზარეს მონახულებამ გამოიწვია, პირდაპირ ვიტყვი, ეგ მეგობრებო, ჩემი ვალი და ვალდებულებაა, არა მხოლოდ როგორც დედაქალაქის მერის, არამედ როგორც პირველ რიგში, ადამიანის, როგორც კაცის, როგორ 4 შვილის მამის, კი მე მოვინახულე, შევხვდი ამ ადამიანებს, კიდევ შევხვდები და კიდევ მოვინახულებ. მოვინახულებ ყველას, ვისი მადლიერიც ვარ და ყველას, ვინც ამ ტრაგედიით დაზარალდა.

აუცილებლად შევხვდები მეგი ბანცაძეს, რომელმაც ლაზარე გადაარჩინა და მადლობას გადავუხდი. მადლობას გადავუხდი ყველას, ვინც ბავშვების გადარჩენაში წვლილი შეიტანა: თითოეულ ექიმს, თითოეულ ექთანს, ყველა ადამიანს.

აქვე, ბოდიშს ვუხდი ანდრიას, რომ გუშინ მისი მონახულება ვერ შევძელი, მაგრამ მომდევნო დღეების განმავლობაში, აუცილებლად ვესტუმრები მასაც."– განაცხადა დედაქალაქის მერმა.

ცნობისთვის, ვაკის პარკში მომხდარი ტრაგიკული შემთხვევის დროს დაშავებული 13 წლის ლაზარე ლობჟანიძის ოჯახის ახლობელი გლდანის მაჟორიტარი - კონსტანტინე ზარნაძეა.