ყოფილმა ფეხბურთელმა და საქართველოს ფეხბურთის ფედერაციის ყოფილმა პრეზიდენტმა მერაბ ჟორდანიამ, გადაცემა "სპორტი იმედზე" სტუმრობისას, "ნაპოლიზე " და ხვიჩა კვარაცხელიაზე ისაუბრა. მისი აზრით "ნაპოლი" კვარაცხელიას გარეშე ჩვეულებრივი "სოფლის გუნდია".

"ნაპოლიში ცუდი ფეხბურთელები არ თამაშობენ, მაგრამ საერთო ჯამში მაინც, უნდა შევთანხმდეთ, რომ იტალიაში სულ რამდენიმე ძალიან დიდი კლუბია: მილანი, ინტერი და იუვენტუსი.

რაც შეეხება ნაპოლის მიმაჩნია, რომ ეს არის ჩვეულებრივი სოფლის გუნდი კვარაცხელიას გარეშე, თუ მათ ხვიჩას დავუმატებთ, საქმე ძალიან სერიოზულ გუნდთან გვექნება", თქვა ჟორდანიამ.

შეგახსენებთ' ბოლო, მე-8 ტურში იტალიის სერია A -ში "ნაპოლი" საკუთარ მინდორზე დაუპირისპირდა" "ტორინოს", მასპინძლებმა თამაში 3:1 მოიგეს, ხვიჩა კვარაცხელიამ ამ მატჩში კიდევ ერთი გოლი გაიტანა, ახლა მის ანგარიშზე იტალიის ჩემპიონატის სერია A -ში ხუთი გატანილი გოლია.