.

საქართველოს მწერალთა სახლის ინფორმაციით, ევროპელ ავტორთა გაერთიანებამ – „Kogge“ წლის ავტორის ჯილდო ქართველ პოეტს, ირმა შიოლაშვილს გადასცა. ირმა დედოფლისწყაროდანაა და უკვე რამდენიმე წელია გერმანიაში ცხოვრობს და მოღვაწეობს.

,

ევროპელ ავტორთა გაერთიანება 1924 წლიდან არსებობს გერმანიაში და რამდენიმე წელიწადში ერთხელ წლის ჯილდოს გადასცემს მხოლოდ ერთ ევროპელ ავტორს.

.

ქართველი ავტორის დაჯილდოება წელს 18 სექტემბერს, გერმანიის ქალაქ შტაინში გაიმართა. პოეტს ფულად ჯილდოს და სიგელს ქალაქის მერმა გადასცა. ფულადი პრემია და მისი ოდენობა ირმასთვის სასიამოვნო მოულოდნელობა აღმოჩნდა.

.

დაჯილდოების ცერემონიალის შემდეგ ირმა შიოლაშვილის გერმანულენოვანი შემოქმედებითი საღამო გაიმართა. მისმა შემოქმედებამ ადგილობრივების აპლოდისმენტები კიდევ ერთხელ დაიმსახურა.

.