სიახლეები აბსოლუტურად ახალ გაზ-52-ს 160 000 ათას დოლარად ყიდიან 2022, 10 სექტემბერი, 16:07  ტოლიატში გასაყიდად გამოიტანეს ახალი გაზ-52, რომელიც ფარდულში იდგა 36 წლის განმავლობაში. სატვირთო მანქანა ესპლუატაციაში არასდროს ყოფილა და არის იდეალურ მდგომარეობაში. გასაყიდად არის გამოტანილი უჩვეულო "დროის კაფსულა" - სატვირთო გაზ-52-04. გამყიდველი ირწმუნება, რომ ავტომობილმა მხოლოდ 22 კილომეტრი გაიარა აწყობის შემდეგ და არსებითად ახალია. ის მზადაა მანქანას 160 000 აშშ- დოლარად განშორდეს, რადგან თვლის, რომ მანქანა მუზეუმის ან თემატური კოლექციის ნაწილი უნდა გახდეს.  გამყიდველის თქმით, სატვირთო მანქანამ მთელი ეს დრო გაატარა ფარდულში, დაკონსერვებულ მდგომარეობაში.  36 წლის განმავლობაში, გაზ-52-ზე მხოლოდ მძღოლის მხარეს კარი და ან კაპოტი თუ იხსნებოდა: ყველა დანარჩენსზე ქარხნის ლუქები დღემდე ადევს. მანქანის ავთენტურობის დამატებითი მტკიცებულება არის ქარხნული ეტიკეტები, შეფუთვის ელემენტები (ძარაში და ძრავის განყოფილებაში), ასევე გასაღებებისა და დოკუმენტების სრული ნაკრებში.  გარდა ამისა, სატვირთო მანქანამ შეინარჩუნა ორიგინალი საბურავები და მშრალი დამუხტული აკუმულატორი იგივე 1986 წლის გამოშვებიდან.  „დროის კაფსულა“ აღჭურვილია 75 ცხენის ძალის მქონე ექვსცილინდრიანი ძრავით, 3.5 ლიტრი მოცულობით, რაც სტანდარტული იყო ამ მოდიფიკაციისთვის.  მანქანა მდებარეობს ტოლიატიში, მაგრამ გამყიდველი მზად არის იზრუნოს იშვიათი ეგზემპლარის სხვა ქალაქში ან რეგიონში მიწოდებაზე.  გაზ-52 სატვირთო მანქანები არაა იშვიათობა: 1964 წლიდან 1993 წლამდე მილიონზე მეტი ეგზემპლარი დამზადდა. თუმცა, მოდიფიკაცია 04 შედარებით მცირე ხნით გამოდიოდა - 1975 წლიდან 1989 წლამდე.     სხვა ავტოსიახლები იხილეთ ამ ბმულზე710 2-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
