როგორ მზადდება გემრიელი კერძები? გამოცდილი მზარეულების წყალობით? საუკეთესო პროდუქტებით? საიდუმლოდ ინახება უნიკალური რეცეპტები? დიახ, ასეა, მაგრამ გაგიკვირდებათ, როცა გაიგებთ, რომ ბევრი პოპულარული საკვები და კერძი შემთხვევით შექმნეს.

1. ვაფლის ჭიქები

ნაყინი პოპულარული იყო ვაფლის ჭიქების გამოგონებამდეც. ერთ მშვენიერ დღეს სენტ-ლუისის ბაზრობაზე 1904 წელს, ნაყინის გამყიდველი იყო გაყიდვების პიკზე და უბრალოდ არ ჰქონდა საკმარისი თასები ნაყინისთვის. ვაფლის გამყიდველი მივიდა მის დასახმარებლად და შესთავაზა ნაყინის დადება ვაფლებზე. და უკვე 1910 წელს გამოჩნდა პირველი ნაყინი ვაფლის ჭიქებში.

2. ჩიფსები

იმისდა მიუხედავად, რომ წელიწადში 500 მილიონ კილოგრამზე მეტ ჩიფსს მოიხმარენ, ეს საჭმელი შეიძლება არ გამოჩენილიყო. 1853 წელს რესტორანში შეფ-მზარეული ჯორჯ კრამი შეწუხდა მას შემდეგ, რაც მომხმარებელმა გააკრიტიკა მისი შემწვარი კარტოფილი და უწოდა მათ ძალიან უმი და დიდი. გაბრაზებულმა მზარეულმა დაჭრა კარტოფილის კიდევ ერთი პარტია რაც შეეძლო თხლად, მოაყარა მარილი და შეწვა დიდი რაოდენობით ზეთში. გასაკვირია, რომ რესტორნის კლიენტი აღფრთოვანებული იყო ამ ხრაშუნა ნაჭრებით. მას შემდეგ, შეფმა გახსნა საკუთარი რესტორანი, სადაც კარტოფილის ჩიფსებს ყიდდა.

3. ყავა

პოპულარული ლეგენდა ამბობს, რომ თხა იყო ყავის პირველი მომხმარებელი. ერთმა ეთიოპელმა მწყემსმა შენიშნა მისი თხების უცნაური ქცევა. თხები მხიარულები და ენერგიულები იყვნენ და მწყემსმაც გადაწყვიტა გაჰყოლოდა მათ. აღმოჩნდა, რომ მათ შეჭამეს რაღაც ხის ფოთლები და მარცვლები, ეს იყო ყავა. ცნობისმოყვარე მწყემსმა ყავის მარცვლები დააგემოვნა და მარცვლები ბერებს მიუტანა, რათა ლოცვის დროს ხალისიანები ყოფილიყვნენ.

4. სენდვიჩი

1762 წელს ჯონ მონტაგუ, სენდვიჩის მე-4 გრაფი, მეგობრებთან ერთად თამაშობდა აზარტულ თამაშს და არ სურდა თამაშის შეწყვეტა საჭმელადაც კი. მან თავის მზარეულს დაავალა, მოემზადებინა ისეთი საკვები, რომლის ჭამაც ადვილად შეძლებდა თამაშისგან განშორების გარეშე. მზარეულმა საქონლის ხორცი პურის ორ ნაჭერს შორის მოათავსა. ასე შეიქმნა პირველი “სენდვიჩი".

5. ხილის ყინული

11 წლის ფრენკ ეპერსონი აღმერთებდა გაზიან სასმელებს. 1905 წლის ცივ ღამეს მან ვერანდაზე დატოვა თავისი ლიმონათი. დილით ფრენკმა აღმოაჩინა, რომ სასმელი გაყინული იყო. გასინჯა და ძალიან მოეწონა. 20 წლის განმავლობაში ახალგაზრდა მამაკაცი გაყინულ პროდუქტებს ამზადებდა, რის შემდეგაც მან დააარსა საკუთარი კომპანია.

6. ტოფუ

ტოფუს რბილი გემო მოუხერხებელი მზარეულის, “ბრალია" რომელიც ძველ ჩინეთში ცხოვრობდა. ლეგენდა ამბობს, რომ მზარეულმა შემთხვევით ჩააგდო მაგნიუმის ქლორიდი სოიოს რძეში. ქიმიური რეაქციის შედეგია ტოფუ.

7. იოგურტი

შუა აზიაში 8000 წელზე მეტი ხნის წინ მწყემსები რძის შესანახად ცხოველის კუჭს იყენებდნენ. ბუნებრივი ფერმენტები ინარჩუნებდნენ ტემპერატურას და ადუღებდნენ რძეს, რაც მჟავე გემოს აძლევდა.

8. ლუდი

3000 წელზე მეტი ხნის წინ ლუდი გამოჩნდა მესოპოტამიაში. პურის დასამზადებლად საჭირო მარცვალი დასველდა და დაიწყო დუღილი, სითხის გამომუშავება. ბუნებრივია, მესოპოტამიელები პურს არ აცხობდნენ, მაგრამ უცნაური სასმელი ფართოდ გავრცელდა და დღეს მსოფლიოში ყველაზე პოპულარული ალკოჰოლია.