საზოგადოებრივი კონსტანტინოპოლის დაცემის მიზეზი ქვემეხი იყო, რომლის ყიდვაზე უარი იმპერატორმა თქვა 2022, 8 სექტემბერი, 8:47 XV საუკუნეში ტრანსილვანიაში ცნობილი სამხედრო ინჟინერი ურბანი ცხოვრობდა, რომელსაც ძალიან უყვარდა ქვემეხები — ბრინჯაოდან ჩამოსხმული, უზარმაზარი ქვის ბირთვით. ის 1452 წელს ბიზანტიის დედაქალაქში ჩავიდა და იმპერატორთან აუდიენცია ითხოვა. ურბანი კონსტანტინე XI (ბიზანტიის უკანასკნელი იმპერატორი, რომელიც კონსტანტინოპოლს 1449—1453 წლებში მართავდა და თურქების მიერ ქალაქის აღების დროს დაიღუპა) შეხვდა და მას ისეთი ქვემეხის ჩამოსხმას დაჰპირდა, რომლის დანახვა ყველას გააკვირვებდა. «ასეთი ქვემეხი არავის ექნება, თქვენო უდიდებულესობავ და მას «მეფეს» დავარქმევთ». — უთხრა მან იმპერატორს.
მაგრამ, კონსტანტინე XI მაშინვე უარი უთხრა და ეს იმით ახსნა, რომ სახელმწიფო ბიუჯეტი ამგვარი პროექტებისთვის არასაკმარისი იყო. გარდა ამისა, ბიზანტიაში ბრინჯაოს დიდი საბადოები არ იყო, ხოლო იმპორტისთვის სახსრები არ ჰქონდა. ურბანი განაწყენდა, ხელი ჩაიქნია და თურქ სულთანთან მეჰმედ II გაემგზავრა, რომელიც იმ დროს, სწორედ ბიზანტიის წინააღმდეგ იბრძოდა. სულთანმა მას მოუსმინა და მოკლედ ჰკითხა: «კონსტანტინოპოლის კედლების დანგრევას შეძლებს?» «ჩემს იარაღს ბაბილონის კედლების აფეთქებაც კი შეუძლია!» — უპასუხა ინჟინერმა. «მაშინ, გააკეთე» — უთხრა მას მეჰმედ II და მათი საუბარი ამით დასრულდა.
ურბანმა სულთნისგან შეუზღუდავი დაფინანსება და ყველა საჭირო მასალა მიიღო. მან ისეთი ქვემეხი შექმნა, რომ კონსტანტინოპოლამდე მის მისატანად, უღელში 60 ხარი შეაბეს და კიდევ 400 ადამიანის დახმარება გახდა საჭირო. ქვის ბირთვები კი, რომელსაც ქვემეხი 1, 5 კმ–ზე ისროდა, ნახევარ ტონაზე მეტს იწონიდა. აქვე უნდა აღინიშნოს, რომ ძლიერი გადახურების გამო, «მეფეს» გასროლა, დღეში, მხოლოდ 3–ჯერ შეეძლო. გარდა ამისა, მისი ლულა მუდმივად უნდა დამუშავებულიყო თბილი ზეთით, რათა არ გაბზარულიყო და ექსპლუატაციის დროს, შემთხვევით, მსროლელი არ მოეკლა.
ქვემეხმა თავისი დავალება შეასრულა და ქალაქის კედლებში ხვრელი გააკეთა, რომლის მეშვეობით, კონსტანტინოპოლში მეჰმედ II მეომრები შევიდნენ და კონსტანტინოპოლი აიღეს. რაც შეეხება ურბანს — ის თურქების გამარჯვების ნადიმს არ დასწრებია, რადგან ქვემეხი აფეთქდა და შემქმნელი თან გაიყოლა, ისევე როგორც, მთელი საარტილერიო რაზმი, რომელიც მას ემსახურებოდა.
* ვინ იწინასწარმეტყველა II მსოფლიო ომი დაწყება, მის დაწყებამდე 10 წლით ადრე და ვისთვის იყო ეს ომი «დალოცვილი»* 10 საინტერესო ფაქტი ციხეების შესახებ* ბოლო ათასწლეულის 10 უდიდესი ცვლილება* 12 მოკლე ფაქტი ფრანგული კომედიების შესახებ* 2 სასიყვარულო ისტორია, რომელმაც მსოფლიოს ისტორიის მსვლელობა შეცვალა* ვიკინგების 5 გამოგონება, რომელსაც დღესაც ვიყენებთ* რატომ არ სცემდა პატივს მუსოლინი ჰიტლერს?* საინტერესო და ნაკლებად ცნობილი ფაქტები ჩვენი წარსულის შესახებ* როგორ ავარჩიოთ ნამდვილი თაფლი, გავუხანგრძლივოთ პურს ვარგისიანობის ვადა და სხვა ხრიკები, რომელიც ყველამ უნდა იცოდეს1642 4-ს მოსწონს |
  |
Intermedia.ge © 2011-2024 წელი
საავტორო უფლებები დაცულია
 |
მეჰმედ II ფათიჰი და ოსმალეთის არმია, უზარმაზარი ქვემეხით კონსტანტინოპოლს უახლოვდებიან. Fausto Zonaro, 1903 წ.
ერთერთ გადაცემაში სტუმრად ყავდათ ვახო მეგრელიშვილი და ჟურნალისტმა ტვინი გაუბურღა,ხან ქოცებზე ეკითხებოდა და ხან ნაცებზე. ამაზე მეგრელიშვილმა უთხრა,ეროვნული ბანკის არასწორ პოლიტიკაზე არავინ ხმას არ იღებთ და ჩამოგვიქცია ეკონომიკა ამ ორგანიზაციამო,რატო მეკითხებით ნაცებზე ან ქოცებზეო. ჟურნალისტმა უთხრა,რომ მისი ინტერესის სფერო არის ევროინტეგრაცია და უკრაინის ომი,ამაზე ფიქრით ვიძინებ და ვიღვიძებო. ინფლაცია ანგრევს ქვეყნის ეკონომიკის მდგრადობას,ხოლო ეროვნული ბანკი აღარიბებს ადამიანებს,როცა ის აკეთებს განაკვეთები ცვილებას ან სახელმწიფო შესყიდვებისთვის ფულს ბეჭდავს. დანგრეულ,დამშეულ,გაპარტახებულ ქვეყანას ევროკავშირიში ვინ მიიღებს? უკრაინის თემაზე რო უფრო ნერვიულობ,ვიდრე საკუთარი ხალხის ყოველდღიურობაზე,მაშინ ფარისეველი არის ადამიანი. ეხლა ამ ჟურნალისტს ქვია პროფესიონალი ან საერთოდა ჟურნალისტი ქვია? რომ იკითხო,ეტყვის რო ფულს ქოცნაცურ თემაში უხდიან,ხოდა ეს არის პროფესიონალიზმი? ფული მთავარი არ არის,როცა საქმე პროფესიონალიზმს ეხება.
სწორია - რის ყიდვაზე.
წერე სწორად -–-