50 წელზე მეტი გავიდა 1969 წლის აგვისტოდან, როდესაც ნახევარი მილიონი პროგრესულად მოაზროვნე ახალგაზრდა, ნიუ-იორკის შტატში მდებარე ქალაქ ბეთელთან ახლოს ფერმერის მინდორში მთელი ამერიკიდან შეიკრიბა. ორგანიზატორებისთვის ამ ადგილის პოვნა მარტივი არ ყოფილა, მათ უარს ეუბნებოდნენ: იმ დროს ჰიპები ყოველგვარი მანკიერებისა და ინფექციის წყაროდ ითვლებოდნენ, მაღაზიებისა და კაფეების მფლობელები თავიანთი დაწესებულებების წინ შემდეგი შინაარსის აბრებს ჰკიდებნენ - "Hippies use back door" ("ჰიპებისთვის - უკანა კარიდან").

ფესტივალზე 50 000-ზე მეტ მაყურებელს არ ელოდნენ, თუმცა მის დაწყებამდე უკვე 100 000 ბილეთი იყო გაყიდული - სამივე დღეზე დასწრების უფლება 18 დოლარი ღირდა. პოლიციის შეფასებით, ფესტივალს ასევე 250 000 უბილეთო მსმენელიც ესწრებოდა. ისტორიაში პირველად როკ-ენ-როლმა ერთად ამდენი ადამიანი შეკრიბა. ვუდსტოკის ჭუჭყიანი მინდორი "ყვავილების რევოლუციის" განსახიერებად იქცა. ამერიკელმა რევოლუციონერმა და რადიკალურმა მემარცხენე აქტივისტმა ები ჰოფმანმა სწორედ იქ გამოაცხადა "ვუდსტოკის ერის დაბადების" შესახებ.

ის მართალი მხოლოდ იმ თვალსაზრისით აღმოჩნდა, რომ 60-იანი წლების მემარცხენე ახალგაზრდობის თაობამ, მეოთხედი საუკუნის შემდეგ შეერთებული შტატების სახელისუფლებო რიგებში წამყვანი პოზიციები დაიკავა. ამის ყველაზე ცნობილი მაგალითი - ბილ კლინტონია. ვუდსტოკის მთელს ატრიბუტიკასა და სახელზე უფლება "Warner Brothers"-ს ეკუთვნის.

1969 წელს ჩარლზ მენსონმა ჰიპებისგან საკუთარი საზოგადოება "მენსონის ოჯახი" დაარსა, 1970 წელს კი "წითელი ბრიგადები" ჩამოყალიბდა. წარმოგიდგენთ 60-იანი წლების ბოლო პერიოდის რომანტიკულ - რევოლუციური მოგზაურობის დროინდელ ფოტოკადრებს, სანამ ყვავილების რევოლუცია სისხლისმღვრელ აურზაურად იქცეოდა.

ვუდსტოკი, 1969 წელი, როკის ფანი ომის საწინააღმდეგო ლოზუნგებით მოხატულ მანქანაში.

დიდი ბრიტანეთი, 1969 წლის აგვისტო, ჰიპები და როკის - ფანები სანაპიროზე, ფესტივალ "უიათ პოპ აილენდის" დროს.

ვუდსტოკი, 1969 წელი, ველური სკუნსი მეტისმეტად დაინტერესებულია, თუ როგორ სიზმრებს ხედავენ კონცერტის შემდეგ გადაღლილი "ყვავილების ბავშვები". 1969 წლის 1 ოქტომბერი.

ასობით ჰიპი ამერიკიდან ჰავაიზე შეიკრიბა, რათა ერთად დაესვენათ და მოელხინათ. ჰიპები ჩიოდნენ, რომ ადგილობრივებს ისინი გულზე დიდად არ ეხატებოდნენ.

როკის ფანი ჰაიდ - პარკში კონცერტის დროს მეგობარს სიგარეტს უზიარებს.

1969 წლის 1 აგვისტო, ვუდსტოკი, ფერადკანიანი ბიჭი კონცერტის მოლოდინში მოდუნებულ პოზაში ისვენებს.

1970: მოცეკვავე ჰიპები და სტუდენტები "უაით პოპ აილენდის" ფესტივალზე. დიდი ბრიტანეთი.

1969: ჰიპები სიცხეს ცენტრალურ პარკში ემალებიან.

1967 წლის 10 ივნისი, ამერიკელი პოლიტიკოსი და საზოგადო მოღვაწე - ები ჰოფმანი (მარცხნივ) და ანიტა კუშნერი (მარჯვნივ) - ნეოამერიკელ ეკლესიის მსახურ, ლინა ჰაუსთან ერთად, ნიუ-იორკის ცენტრალურ პარკში, საქორწინო ცერემონიის დროს. ნეოამერიკული ეკლესია "ელესდი"-ს ლეგალიზაციისთვის იბრძოდა.

ჰიპსტერი 60-იანი წლების ბოლოს, ფერადკანიანთა ვარცხნილობითა და ჰიპური ჩაცმულობით.

"Mystic Arts"-ის ჰიპების საოჯახო კომუნა. მამა რონი (ყოფილი პროგრამისტი) და დედა ნენსი (კემბრიჯის კურსდამთავრებული) თავიანთ შვილებს ძილის წინ ზრაპარას უკითხავენ.

ჰიპი, ვუდსტოკი, 1969 წლის აგვისტო.

ვუდსტოკი, საღებავებით მოხატული ლეგენდარული ჰიპების - ფურგონი

"Mystic Arts"-ის საოჯახო კომუნაში ჰიპების ჰიგიენური პროცედურა.

1969 წლის 31 აგვისტო, ადამიანთა მასა ბობ დილანის კონცერტზე "უაით პოპ აილენდის" ფესტივალის დროს, დიდი ბრიტანეთი.

მოცეკვავე გოგონა ფესტივალ "Magic Mountain Music"-ის დროს, რომელიც 1967 წლის ივნისის დასაწყისში, სან-ფრანცისკოს მახლობლად, ტამალპაისის მთაზე ჩატარადა. რატომღაც ფიქრობენ, რომ პირველი ამერიკული როკ - ფესტივალი "Monterey Pop Festival" იყო, თუმცა რეალურად ის მხოლოდ ორი კვირის შემდეგ გაიმართა.

1970. "ყვავილების ბავშვები" სხეულზე არსებულ თმიან საფარველს დიდ ყურადღებას აქცევდნენ.

1967 წლის ივნისი, ნიუ-იორკი. "Group Image" - ის კომუნის წევრები. მამა სამი წლის "მორბენალ ირემთან" თამაშობს, მისი მეუღლე კარენი კი "შუა დასავლეთში ყველაზე ფრიგიდული დიასახლისის" წოდებას ატარებდა, რომელიც საბოლოოდ, ჰიპების რელიგიის მიმდევარი გახდა.

სან ფრანცისკო, კალიფორნია, 1967 წლის 6 ოქტომბერი. 100-ზე მეტი მომიტინგე ცნობილ ჰეიტ - ეშბერის რაიონის ცენტრში რიტუალს - "ჰიპებს სიკვდილი" აღავლენს.

ჰიპი ქუჩაში ძილის აკრძალვას აპროტესტებს.

დიდი ბრიტანეთი, 1969 წლის აგვისტო, სანაპიროზე, "უაით პოპ აილედის" ფესტივალის დროს.