პატიმართა წამება რომ ეხლა არ დაწყებულა ეს ყველასთვის კარგად არის ცნობილი. უბრალოდ უკვე ბევრი დამამტკიცებელი ფაქტი არსებობს ამის შესახებ და საზოგადოებაც ხმამაღლა ალაპარაკდა.

2010 წელს, 19 აგვისტოს, ფერიცვალობის დღეს, ქსნის საპყრობილეში პატიმართა დასასჯელად სპეცრაზმი შევიდა. სპეცრაზმმა პატიმრები სასტიკად სცემა, განსაკუთრებით კი მკაცრად იმ პატიმრებს გაუსწორდნენ, ვისაც თავისი საქმე სტრასბურგში ჰქონდა გასაჩივრებული.

"ამათ ჰგონიათ სტრასბურგი უშველით ამ მოღალატეებს! ესენი დასახოცები არიან და დაბრიდეთო"... ასე მიმართავდნენ საპყრობილეში პატიმართა დასასჯელად შესული სპეცრაზმი პატიმრებს. სასტიკად სცემდნენ ხელკეტებითა და სხვადასხვა გაურკვეველი საგნებით, აწამებდნენ, ახლობლებს და ადვოკატებს მათთან შესვლის უფლებას არ აძლევდნენ, გამოაცხადეს კარანტინი და საერთოდ მოწყვიტეს პატიმრები გარე სამყაროს. 21 წლის რამაზ პატარაია, რომელიც გეგუთის საპყრობილეში სასტიკად იყო ნაწამები, დამოუკიდებლად ვეღარ გადაადგილდება, თუმცაღა მისთვის სათანადო სამედიცინო დახმარება სასჯელაღსრულების სისტემას არ აღმოუჩენია.

წარმოგიდგენთ სტუდია "მონიტორი"-ს მიერ მომზადებულ სიუჟეტს, რომელიც ქსნის კოლონიაში სპეცრაზმის შესვლის შედეგად დაზარალებულ პატიმრებზე და მათ სასტიკ მოპყრობაზე დეტალურ ინფორმაციას იძლევა