"დირნდლი"- ქალის მომხიბვლავი სამოსი გერმანიიდან

მოვლენები

2022, 23 აგვისტო, 11:19

გერმანული კულტურის ერთ-ერთ სიმბოლოდ ითვლება ისეთი საინტერესო ქალის ჩაცმულობა, რომელიც შედგება გრძელი ქვედბოლოსგან, ლიფისგან, კოფთისგან და წინსაფრისგან. მაშ ასე, თქვენს წინაშეა მისი უდიდებულესობა დირნდლი (dirndl). ქალის გერმანული სამოსი საინტერესო ისტორიით.

მისი სახელი მომდინარეობს ბავარიული დიალექტიდან "dirndl", რაც ნიშნავს "გოგონას". სამოსის სრული სახელი, სხვათა შორის, ჟღერს Dirndlkleid - ბავარიული დიალექტიდან თარგმნილი, როგორვ "მოსამსახურე გოგონას კაბა".

ეს კაბა მხოლოდ ალპური გერმანიის სამხრეთით - ბავარიისთვისაა დამახასიათებელი. ასევე იცვვამენ მეზობელა ავსტრიაში (ტიროლის მხარეს) და შვეიცარიაში. გერმანიის სხვა კუთხეებში ქალები სრულიად განსხვავებულ სამოსს ატარებენ.

დირნდლი მე-18-19 საუკუნეებში გამოჩნდა, როგორც კომფორტული და პრაქტიკული კაბა ბავარიელი მოახლეებისთვის (სხვათა შორის აქედან მოდის წინსაფარიც). მაგრამ მათ ქალბატონებს ეს ძალიან მოეწონათ .თუმცა ბავარიის სამეფო და ავსტრიის საიმპერატორო კარის გრაფინიებმა და ბარონესებმა საკუთარი შტრიხები შემატეს დირნდლს.

არისტოკრატებს უყვარდათ ასეთი მოდიფიცირებული ფსევდო-ხალხური ჩაცმულობით გოგმანი... მათ სჯეროდათ, რომ ამ გზით უახლოვდებოდნენ უბრალო ხალხს!

ჰიტლერის ხელისუფლებაში მოსვლასთან ერთად, ნაცისტებმა კიდევ უფრო აქტიურად დაიწყეს dirndl-ის (ისევე როგორც ლედერჰოს მამაკაცის ტყავის შორტების) პოპულარიზაცია მასებში, მათ შორის ბავარიის საზღვრებსგარეთ. თითოეულ გერმანელ ქალს გარდერობში უნდა ჰქონოდა დირნდლი, იგი ვალდებული იყო ამ ფორმით გამოჩენილიყო სხვადასხვა აღლუმებზე, წვეულებებზე და ფიურერთან შეხვედრებზე.

გასაკვირი არ არის, რომ მეორე მსოფლიო ომისა და ნაციზმის დაცემის შემდეგ, დირნდლი გარკვეული პერიოდის განმავლობაში ფაქტობრივასდ აკრძალული იყო, როგორც ნაცისტური ეპოქის სიმბოლო.

სამხრეთ გერმანიის ხალხური სამოსის რეაბილიტაცია მხოლოდ 1960-იან წლებში განხორციელდა და მას შემდეგ დირნდლი გახდა მაცდუნებელი ჩაცმულობის განუყოფელი ნაწილი, მაგალითად, მიმტანი ქალები მსოფლიოში ცნობილ Oktoberfest-ის ლუდის ფესტივალზე მიუნხენში. მიუხედავად იმისა, რომ ეს მიმტანები ხშირად ეროვნებით გერმანელები არ არიან.

დირნდლი ძალიან პოპულარულია გერმანიის ფარგლებს გარეთ დიდ გერმანულ დიასპორაში - როგორც გერმანული კულტურის ადვილად ცნობადი სიმბოლო.

დირნდლი ახალგაზრდა ქალბატონებზე სამხრეთ გერმანიიდან, ავსტრიიდან, შვეიცარიიდან შეგიძლიათ ნახოთ ფოლკლორულ თუ სხვა ფესტივალებზე და გასართობ ღონისძიებბზე. მას ატარებენ ტურიზმის სფეროში მომუშავე ადგილობრივი ლამაზმანებიც.