სხვა ულამაზესი ჩინოვნიკი ბაშკირეთიდან ყოფილ ქმარს თვეები ემალეობოდა, თუმცა მაინც იპოვა და მოკლა 2022, 16 აგვისტო, 12:41  ბაშკირეთში ყოფილმა ქმარმა სასტიკად მოკლა ადგილობრივი ადმინისტრაციის ჩინოვნიკი დინა მახიანოვა. ტრაგედიამდე დიდი ხნით ადრე 31 წლის მსხვერპლმა ატეხა განგაში და პოლიციას მიმართა, მაგრამ მის თხოვნას ყურადღება არავინ მიაქცია, წერს kp. 
დინა მუშაობდა აგროინდუსტრიული სექტორის განვითარებისა და ბელორეცკის რაიონის ადმინისტრაციის სამომხმარებლო ბაზრის პროგნოზირების განყოფილების უფროსად. როგორც მისი კოლეგები ამბობენ, სამი თვის წინ გოგონამ გამონახა ძალა და ნებისყოფა, რომ დაეტოვებინა მონსტრი ქმარი, რომელიც მას ხშირად სცემდა. მომხიბვლელი თანამდებობის პირი ემალებოდა ქმარს, მაგრამ ამან მაინც ვერ იხსნა იგი. 
"ის ყოფილმა ქმარმა მოკლა. ბოლო სამი თვის განმავლობაში ის მშობლებთან ერთად ცხოვრობდა. ერთ დღესაც, საღამოს ჩაუსაფრდა სახლთან და მოკლა. მკვლელობა სასტიკი და დაუნდობელი იყო, მან ათზე მეტი ჭრილობა მიაყენა მთელ სხეულზე." განაცხადა ივან ლავრენოვმა, ბელორეცკის რაიონის უფროსის მოადგილემ.
მისი თქმით, გოგონამ პოლიციას 13-ჯერ მიმართა. მან თქვა, რომ აგრესიული ქმარი მას მოსვენებას არ აძლევს: ფიზიკურად უსწორდება, მოკვლით ემუქრება, მაგრამ მამაკაცი არც არავის დაუკავებია. მკვლელობის შემდეგ ეჭვმიტანილი დააკავეს, მის წინააღმდეგ სისხლის სამართლის საქმე აღიძრა. გოგონა უკვე დაკრძალეს. 
10 დღეში დინა მახიანოვას 32 წელი შეუსრულდებოდა, მან ექვსი და ცხრა წლის შვილი დატოვა.
კოლეგებს ახსოვს, როგორც ძალიან გულწრფელი და კეთილი ადამიანი. - ეს დიდი მწუხარებაა. სიტყვების პოვნა რთულია, მთელი ჩვენი გუნდი შოკშია. პოზიტიური და კომუნიკაბელური, ყოველთვის გვერდზე დაგიდგებოდათ, ყველას უყვარდა, აფასებდა და პატივს სცემდა. როგორც თანამშრომელი, ის ძალიან მცოდნე და ინტელექტუალური იყო. მეორე უმაღლესი დაამთავრა - თქვა ბელორეცკის რაიონის უფროსის მოადგილემ. 900 2-ს მოსწონს
|
  |
Intermedia.ge © 2011-2025 წელი
საავტორო უფლებები დაცულია
 |
