ეგვიპტის სასამართლო გეგმავს პირდაპირ ეთერში გადაიცეს მკვლელის ჩამოხრჩობა, რომელმაც დანით აჩეხა სტუდენტი გოგონა მას შემდეგ, რაც მან უარი უთხრა ცოლად გაყოლაზე.

6 ივლისს, უნივერსიტეტის სტუდენტი, 21 წლის მოჰამედ ადელი სასამართლომ დამნაშავედ ცნო თავის თანაკურსელის, მანსურ ნაირა აშრაფის მკვლელობის გამო და სიკვდილით დასჯა მიუსაჯა.

ამჟამად სასამართლო ითხოვს მისი სიკვდილით დასჯა ტელევიზიით პირდაპირ ეთერში გადაიცეს, რათა მომავალში მსგავსი დანაშაულები აღარ მოხდეს.

მოსამართლის მიერ პარლამენტისადმი გაგზავნილ წერილში აღნიშნულია: „მაუწყებლობამ, თუნდაც ის იყოს მხოლოდ პროცესის დაწყების ნაწილი, შეიძლება უფრო მიაღწიოს დასახულ მიზანს(ნაგულისხმებია დაშინება), რაც ვერ იქნა მიღწეული თავად განაჩენის გადაცემის დროს “.

შემზარავი კადრები გვიჩვენებს, რომ ადელი 20 ივნისს თავს ესხმის ნაირა აშრაფის უნივერსიტეტის მიდამოებში მდინარე ნილოსის დელტასთან . ადგილობრივი მედიის ცნობით, გოგონა იმ დღეს ბოლო გამოცდის ჩაბარებას აპირებდა.

გოგონა ადგილზე გარდაიცვალა, განრისხებულმა გამვლელებმა ადელი გააკავეს, მაგრამ უკვე გვიანი იყო. მას დანა ეჭირა ხელში და გოგონას უსიცოცხლო სხეულთან იდგა.

ნაირა აშრაფის ჭრილობები კისრისა და გულმკერდის არეში ჰქონდა მიყენებული, იტყობინება ადგილობრივი მედია.

21 წლის მოჰამედ ადელმა გოგონას მოკვლა მას შემდეგ გადაწყიტა, როდესაც მან ქორწინებაზე უარი უთხრა.

სასამართლომ 28 ივნისს წინასწარი გადაწყვეტილება მიიღო მის სიკვდილით დასჯაზე, ერთი კვირის შემდეგ კი დაადასტურა განაჩენი. სააპელაციომ შეაჩერა განაჩენი, რომელიც 24 ივლისს გამოცხადდა.