ტელეწამყვანი ნანუკა ჟორჟოლიანი ირაკლი მაქაცარიასა და ლიზა ჩიჩუას ქორწილში ატეხილ სკანდალ ეხმაურება. ცნობილი გახდა, რომ ფოტოგრაფებსა და ვიდეოოპერატორებს საზეიმო სუფრაზე საჭმელი არ მიაწოდეს.

უამრავმა ადამიანმა ახალდაქორწილებული წყვილი და მათი ოჯახი დაადანაშაულა. ნანუკა ჟორჟოლიანმა კი, იმათ შეუტია, ვინც ახალშეუღლებულები ამოიღო მიზანში.

.

“დიდი ქორწილების ლოჯისტიკას, როგორც წესი, საორგანიზაციო კომპანიები აგვარებენ. ოჯახი ყველა დეტალს, ისედაც სანერვიულო დღეს ვერ მოიკითხავს და სწორედ ამ კომპანიების სამარცხვინო შეცდომაზე, საჯაროდ პასუხი მოსთხოვო წყვილს, რომელიც ეს დღეები უბრალოდ ბედნიერი უნდა იყოს, არის უსამართლობა”, – წერს ჟურნალისტი.

.

ირაკლი მაქაცარიასა და ლიზა ჩიჩუას ქორწილის შესახებ სრულიად საქართველო ალაპარაკდა. სოციალური ქსელი გადატვირთული იყო წყვილის ქორწილის ვიდეოებით. სწორედ ამ ქორწილს გამოეხმაურა ფოტოგრაფი - დავით ჭალიძე და სკანდალური პოსტი გამოაქვეყნა.

,

„რა უხერხულია არაა? მთელი თბილისი დღეს ერთ ქორწილზე საუბრობს და ამ დროს გადამღებს არ აჭამეს... ხალხი დილიდან მუშაობს და ლუკმა ვერ გაიმეტეს… ფოტოგრაფებს და ვიდეოგადამღებს ადამიანებად არ გვთვლიან, ასე დამამცირებლად გექცევიან და მერე ეს ხალხი საუბრობს ტელევიზიებში ევროპულ თუ ადამიანურ ღირებულებებზე. რა უცნაურიც არ უნდა იყოს, მდიდრებს უფრო ეშლებათ ეს და არა საშუალო თუ შედარებით დაბალშემოსავლიან ფენებს. და თან გთხოვენ საჯაროდ არ დაწერო უხერხულიაო, უხერხულია მშიერი რომ მუშაობს ადამიანი და შიმშილისგან გაქანავებს, ეს ხალხი რომ კიდევ ჰუმანურობას იჩენს და სხვის სახელს უფრთხილდება. რამხელა სულგრძელობაა, მაგრამ იმსახურებენ კი“... - წერს ფოტოგრაფი.