ხანძრის შედეგად რუსული არმიის ბირთვული ძალები სერიოზულად დაზარალდა. ორენბურგის რეგიონში, რუსეთის შეიარაღებული ძალების 621-ე სარაკეტო პოლკის სამეთაურო პუნქტი, რომელსაც სტრატეგიული დანიშნულება აქვს, ფერფლად იქცა.
ცნობილმა უკრაინელმა ჟურნალისტმა რომან ციმბალიუკმა, რომელსაც სერიოზული წყაროები აქვს რუსეთში, ამის შესახებ ტელეგრამზე 22 მაისს დილას განაცხადა.
„იმ დროს, როდესაც რუსეთის ფედერაციის უმაღლესი სამხედრო-პოლიტიკური ხელმძღვანელობა მთელ მსოფლიოს ახსენებს ქვეყანაში ბირთვული იარაღის არსებობას, სტრატეგიული სარაკეტო ძალების სამხედრო ნაწილები იწვის აღდგენის შესაძლებლობის გარეშე“, წერს ჟურნალისტი. .
მისივე თქმით, ინციდენტი მოხდა რუსეთის შეიარაღებული ძალების No34074 სამხედრო ნაწილში სოფელ კომაროვსკიში, სადაც პოლკი დგას.
ციმბალიუკმა აღნიშნა, რომ ხანძრის შედეგად პოლკმა საბრძოლო მზადყოფნა დაკარგა. რუსეთის ფედერაციის შეიარაღებული ძალების სარდლობამ განკარგულება კასცა სიტუაციის რაც შეიძლება სწრაფად გამოსწორებისთვის პუნქტის აღდგენით. თუმცა, ამის გაკეთება შეუძლებელია.
„პოლკის მეთაურმა განაცხადა, რომ შეუძლებელი იყო ბრძანების შესრულება რიგი ტექნიკური და ორგანიზაციული მიზეზების გამო“, - დააზუსტა ჟურნალისტმა.
ხანძრის შესახებ ინფორმაციას, სავარაუდოდ მალავენ. მომხდართან დაკავშირებით რუსეთის ხელისუფლება და მედია დუმს. ოფიციალური დადასტურება ამ დროისთვის არ არსებობს.
რას შეიძლება გამოეწვია ხანძარი უცნობია. . თუმცა, აღსანიშნავია, რომ ეს მოხდა უკრაინასთან ომში რუსული ჯარების მასიური გადასროლის ფონზე.
კრემლი ვერ ბედავს ღია მობილიზაციის გამოცხადებას, ეს ფარულ ფორმატში ხდება. თუმცა საზოგადოება უკვე წინააღმდეგობას უწევს. ასე რომ, დღეს ცნობილია რუსეთის ფედერაციის სხვადასხვა რეგიონში მინიმუმ 13 სამხედრო სააღრიცხვო ფუნქტის დაწვის შესახებ.
