დრო მიდის და ერთ დღესაც მთელი ეპოქიდან მხოლოდ მოგონებებიღა დარჩება. წინაპრებთან შედარებით ჩვენ ბევრად უფრო გაგვიმართლა. თანამედროვე ტექნოლოგიების წყალობით, საშუალება გვეძლევა ეს საოცარი, უნიკალური ფოტოები დავიწყებას არ მივცეთ. დღესდღეობით, მთელ მსოფლიოში აქტიურად მიმდინარეობს ძველი ფოტოების გაციფრულება და აღდგენა, რომლის წყალობითაც გვეძლევა უნიკალური შესაძლებლობა კიდევ უკეთ გავიცნოთ ჩვენი მშობლების ცხოვრება. სამწუხაროდ, ყველა ფოტოს გაციფრულება ვერ ხერხდება და ბევრი მათგანი მომავალი თაობებისთვის უბრალოდ უკვალოდ ქრება. ფოტოგრაფებისთვის ერთ-ერთ ყველაზე მიმზიდველ ადგილს - თავისი არქიტექტურით, არაორდინარული მოვლენებითა და ცნობილი სახეების სიმრავლით ყოველთვის - ვენეცია წარმოადგენდა, და ეს დღესაც ასეა... ჰოდა, არც ისე დიდი ხნის წინ, სწორედ ვენეციურმა სტუდია "Cameraphoto"-მ ევროპის ერთ-ერთი უდიდესი ფოტოარქივის გაციფრულების ფართომასშტაბიანი პროექტი წამოიწყო. 320 ათასი ნეგატივი ე.წ. "არხების ქალაქის" 50 წლიან ისტორიას გულდასმით ინახავს. კინოგმირები, მსახიობები, ექსცენტრული პერსონაჟები, უჩვეულო გამოგონებები და ვენეციის ქუჩებში მოსეინე სპილოები - ეს მხოლოდ მცირე ნაწილია იმისა, რაც ფოტოგრაფების ობიექტივში მოხვდა. ყველა ნამუშევარს შორის განსაკუთრებით გამოირჩევა ცნობილი ადამიანების ფოტოები, რომლებიც ამ ზღაპრულ ქალაქს სხვადასხვა წლებში, სრულიად განსახვავებული მიზეზებით სტუმრობდნენ. სოფი ლორენს, პოლ ნიუმენს, სალვადორ დალის, ჯეინ ფონდას, კირკ დუგლასსა და სხვა არაერთ სახელოვან ადამიანს "ადრიატიკის დედოფლად" წოდებულ ამ ქალაქში ყოფნა განსაკუთრებით უყვარდათ. ახლა კი, უკვე "Cameraphoto"-ს სტუდიის ძალისხმევის წყალობით, ჩვენც გვეძლევა უნიკალური შესაძლებლობა ისტორიას ცოტათი მაინც შევეხოთ და თვალი გადავავლოთ ამ უნიკალურ, რარიტეტულ ფოტოებს

სალვადორ დალი, 1961 წელი

კირკ დუგლასი, 1953 წელი

როჯერ მური, 1979 წელი

ერნესტ ჰემინგუეი, 1948 წელი

ტოტო, 1950 წელი

ალენ დელონი, 1962 წელი

მარჩელო მასტროიანი, 1973 წელი

ბრიჯიტ ბარდო

ბერტ ლანკასტერი, 1962 წელი

ჩეტ ბეიკერი, 1961 წელი

კლაუდია კარდინალე, 1960 წელი

კატრინ დენევი

ეზრა პაუნდი, 1969 წელი

ჯინა ლოლობრიჯიდა, 1954 წელი

ჯინა ლოლობრიჯიდა, 1967 წელი

ჯეი ფონდა, 1967 წელი

ჟან-პოლ ბელმონდო

ჯონ ფორდი

კირკ დუგლასი ნოველა პარიჯინისა და ლილი გრეკოსთან ერთად, 1953 წელი

სოფი ლორენი და მარია შიკოლონე, 1955 წელი

მარია კალასი, 1950 წელი

მიკ ჯაგერი

ორსონ უელსი და ანა მანიანი

პაბლო პიკასო, 1948 წელი

პოლ ნიუმენი

შონ კონერი, 1970 წელი

ტრუმენ კაპოტე, 1951 წელი

ლუკინო ვისკონტი

უოლტ დისნეი, 1951 წელი

და ამ ზღაპრული ქალაქის კიდევ რამდენიმე უჩვეულო ფოტო:

ნადირობა, 1946 წელი

ცირკი ვენეციაში, 1954 წელი

წყალდიდობა 1966 წლის ნოემბერში

ავტომობილი რიალტოს ხიდზე, 1961 წელი

ზამთარი 1963 წელი