სასექსის ჰერცოგინია დიდი ხანია ევროპაში არ ყოფილადიდი ბრიტანეთის პრინცი ჰარი და მისი მეუღლე მეგანი მარკლი ფარულად ეწვივნენ დედოფალ ელისაბედ მეორეს. ამის შესახებ ჟურნალი Majesty Magazine იტყობინება.

გამოცემის ცნობით, სასექსის ჰერცოგები, სავარაუდოდ, 14 აპრილს გამოჩნდნენ სამეფო მონარქიის წინაშე - ქრისტიანული კალენდრის მიხედვით, ეს თარიღი პატიების სიმბოლოა. შესაძლებელია წყვილს ოჯახთან შერიგების იმედი ჰქონდეს. ეს ჰარის და მეგანი მარკლის პირველი ვიზიტი იყო 2020 წლის მარტის შემდეგ, როდესაც წყვილმა უარი თქვა სამეფო ოჯახის უფროსი წევრების სტატუსზე.

მანამდე, გავრცელდა ინფორმაცია, რომ მეგანი მარკლს და პრინც ჰარის უმცროსი ქალიშვილი დიდი ბრიტანეთის დედოფალ ელიზაბეტ II-თვის ჯერ არ წარუდგენიათ. წყვილს დიდი ხნის განმავლობაში არ დაუტოვებია შეერთებული შტატები ყველაზე ახალგაზრდა მემკვიდრის მცირე ასაკის გამო.