გუშინ გამოცემა New York Times -გაავრცელა ვიდეოკადრები, სადაც უკრაინელი სამხედროების მიერ დაჭრილი რუსი ტყვეს დახვრეტა არის ასახული კიევის მახლობლად. რა თქმა უნდა, ეს ამბავი უმალ გააზიარეს რუსულმა საინფორმაციო სააგენტოებმა და სხვა უცხოურმა გამოცემებმა, მათ შორის CNN-მა, ბრიტანულმა The Guardian-მა და BBC-იმ.

ამ უკანასკნელმა გამოცემამ საკუთარი გამოძიებაც კი ჩაატარა და დაასკვნა შემდეგი რამ:

1)გადაღების ადგილი-ჩვენ გავარკვიეთ, რომ ეს მოხდა კიევის დასავლეთით, სოფელ დმიტროვკასთან, მთავარ გზაზე. ეს გზატკეცილი აკავშირებს დმიტროვკას ირპენთან და ბუჩასთან. ვიდეოზე გადაღებული სიტუაცია შეესაბამება გზის იმავე მონაკვეთის Google Street View-დან გადაღებულ სურათს.

2)გადაღების დრო- ზუსტი თარიღი ბოლომდე არ ვართ დარწმუნებული, მაგრამ ზუსტად ვიცით, რომ სროლა შუადღისას განხორციელდა – ამას მოწმობს გზაზე ჩრდილების მდებარეობა. ამ ვიდეოს პირველი ვერსია, რომელიც ჩვენ აღმოვაჩინეთ სოციალურ ქსელებში, იქ გამოჩნდა 30 მარტის დილით, ანუ თავად გადაღება განხორციელდა 29 მარტის შუადღეს ან უფრო ადრე.

3)ნამდვილად რუსის ჯარიკაცია?-ამის მტკიცბეულებას თავად ვიდეოში ნათქვამი ფრაზა იძლევა ცხედრების თავზე მდგარი ერთ-ერთი ჯარისკაცი ამბობს: „აი ისინიც, რუსული ჯარის დამცველები“.

გარდა ამისა, კადრებში ჩანს მიტოვებული ჯავშანტექნიკა, რომლებსაც გვერდზე ასო V აქვს მიხატული - ეს არის დამახასიათებელი ნიშანი, რომელიც რუსულ ტექნიკაზე მიუთითებს.

მიწაზე მწოლიარე ორ ადამიანს სახელოებზე თეთრი სამკლაური აქვს, რომელსაც რუსი სამხედროები უკრაინის ზოგიერთ რეგიონში მარკირებად იყენებენ.

4)ნამდვილად უკრაინელები არიან?-ზოგიერთის სამხედრო ფორმაზე ჩანს ცისფერი სამკლაური და შევრონები უკრაინის დროშით, რაც უკრაინული ძალების გამორჩეულ ნიშანს წარმოადგენს. თუმცა, რა თქმა უნდა, არ შეიძლება იყოს ერთმნიშვნელოვანი მტკიცებულება. ვიდეოში ჯარისკაცები რუსულად საუბრობენ, მაგრამ უკრაინის მხარეზე ბევრი რუსულენოვანი იბრძვის.

შუა ვიდეოში კარგად ჩანს წვერებიანი სამხედრო. კიდევ რამდენიმე სამხედროს სახეც კარგად ჩანს. კომპიუტერული პროგრამით გადავამოწმეთ წვერიანი ჯარისკაცის ბიომეტრიული მონაცემები საჯარო დომენში არსებული მონაცემებით და მივედით დასკვნამდე, რომ სავარაუდოდ, ეს არის საქართველოს მოქალაქე, რომელსაც მჭიდრო კავშირი აქვს უკრაინასთან. თუმცა მის სახელს ვერ დავასახელებთ, რადგან ჯერ არ ვართ ნამდვილად დარწმუნებული, რომ ის არის. ვიღაცის სიტყვებზე "დიდება უკრაინას", წვერიანი კაცი პასუხობს "დიდება გმირებს!", რის შემდეგაც ამხედრო, რომელიც ვიდეოს იღებს ამბობს :"ქართველები..."

თუმცა გამოცემა 360tv.ასახელებს მათ ვინაობას, მათი თქმით ორ უკრიანელთან ერთად ეს არის ქართული ლეგიონის მებრძოლი თეიმურაზ ხიზანიშვილი, რომელიც ხშირად იყო შემჩნეული მიხეილ სააკაშვილის გვერდით.