საქართველო
"ცხოვრებაში ბევრი საჩუქარი მიმიღია, მაგრამ ასეთი ძვირფასი იშვიათად" - რა აჩუქეს ირაკლი ოქრუაშვილს?
2022, 29 მარტი, 14:20
რუსეთ - უკრაინის ომში, მოხალისედ წასული პარტია "გამარჯვებული საქართველოსთვის" ლიდერი ირაკლი ოქრუაშვილი რუსებთან ომის გამოცდილებას ცხოვრებაში მიღებულ ყველაზე ძვირფასს საჩუქრად თვლის, რომელიც მას უკრაინისგან ერგო:
"ცხოვრებაში ბევრი ძვირფასი საჩუქარი მიმიღია, მაგრამ ასეთი ძვირფასი რაც ერთი თვის განმავლობაში უკრაინამ მაჩუქა, იშვიათად.
ალბათ 25-ოდე წელი კიდევ ვიცოცხლებ და ამ დროის განმავლობაში ერთი ომი მაინც კიდევ მოგვიწევს რუსებთან და აუცილებლად გამოვიყენებ უკრაინის საჩუქარს - რუსებთან ომის გამოცდილებას." - წერს ირაკლი ოქრუაშვილი სოციალურ ქსელში.
ცნობისთვის, პარტია "გამარჯვებული საქართველოსთვის" ლიდერი, ქართველ და უცხოელ მოხალისეებთან ერთად უკრაინაში იმყოფება და მთელი ცივილიზებული სამყაროს ნომერ პირველი ბოროტების, ვლადიმერ პუტინის წინააღმდეგ იარაღით ხელში იბრძვის.
