მოსკოვის ლეფორტოვოს სასამართლომ ოპოზიციონერ პოლიტიკოს ალექსეი ნავალნის მიუსაჯა ცხრა წელი მკაცრი რეჟიმის კოლონიაში და წელიწადნახევარი შეზღუდული თავისუფლება გათავისუფლების შემდეგ. იგი დამნაშავედ ცნეს სასამართლოს უპატივცემულობაში მეორე მსოფლიო ომის ვეტერანის ცილისწამების პროცესში, ასევე თაღლითობაში FBK-ს მიერ შემოწირული თანხების ქურდობასთან დაკავშირებით (ორგანიზაცია აღიარებული იყო ექსტრემისტულად და აკრძალული იყო რუსეთის ფედერაციაში). თითქმის 2, 7 მილიონი რუბლის მითვისება დადასტურებულად ჩაითვალა.
ნავალნიმ ასევე უნდა გადაიხადოს ჯარიმა 1, 2 მილიონი რუბლის ოდენობის. გათავისუფლების შემდეგ მას 1, 5 წლით შეეზღუდება უფლებები: ვერ შეძლებს სახლიდან გარკვეულ დროს გასვლას, საცხოვრებელი ადგილის შეცვლას, მასობრივი ღონისძიებების დასწრებას. პროკურატურა მისთვის 13 წლით თავისუფლების აღკვეთას ითხოვდა.

განაჩენი გამოცხადდა გარე სასამართლო სხდომაზე ვლადიმირის რეგიონის ქალაქ პოკროვში, მე-2 კოლონიაში, სადაც ნავალნი ამჟამად იხდის სასჯელს „ივ როშეს საქმეზე“ (რომელშიც ნავალნი მიესაჯა ორწელიწადნახევარს. ახალი განაჩენის თანახმად, ნავალნი ციხეში 2031 წლის მარტამდე დარჩება, თუმცა მისმა ადვოკატებმა უკვე განაცხადეს, რომ სასამართლოს გადაწყვეტილებას გაასაჩივრებენ.

ნავალნის წინააღმდეგ თაღლითობის საქმე გაიხსნა 2020 წლის ბოლოს, პოლიტიკოსის სავარაუდო მოწამვლიდან რამდენიმე თვის შემდეგ (ბერლინის კლინიკა „ჩარიტეს“ ექიმები, სადაც ნავალნი მკურნალობდა, აცხადებდნენ, რომ ის „ნოვიჩოკით“ იყო მოწამლული).

გამოძიების თანახმად, ნავალნიმ შექმნა ორგანიზებული ჯგუფი, რომელიც ანტიკორუფციული საქმიანობის საბაბით აგროვებდა თანხებს, მაგრამ საბოლოოდ ისინი ოპოზიციური პოლიტიკოსის პირად საჭიროებებზე დაიხარჯა.

ოპოზიციონერის დაკავების შემდეგ რუსეთში ფართომასშტაბიანი აქციები იმართებოდა მისი გათავისუფლების მოთხოვნით, აქციები კი ძალის გამოყენებით დაარბიეს.