მოლდოვაში, გარიგებული მატჩების სკანდალთა დაკავშირებით, ახალი ფაქტები გამომზეურდა.
მოლდოვის ეკონომიკურ დანაშაულთან და კორუფციასთან ბრძოლის ცენტრმა განაცხადა, რომ სისხლის სამართლის ორ საქმესთან დაკავშირებით, 13 საფეხბურთო კლუბის მოღვაწეობა განიხილება. ეჭვქვეშ 48 მატჩი მოხვდა, რომლებიც 2011 წლის აპრილიდან 2012 წლის მაისამდე, მოლდოვის ჩემპიონატსა და თასზე ჩატარდა. გამოძიების მონაცემებით, ეჭვი აქვთ, რომ ისინი გარიგებული იყო. გარდა ამისა, 8 საფეხბურთო კლუბის 23 ფეხბურთელის მიმართ, გამოძიება მიმდინარეობს. ცენტრის ინფორმაციით, მათ მოლდოვის ფეხბურთის ფედერაციის ეთიკის კოდექსი დაარღვიეს, გააკეთეს რა საბუკმეკერო კანტორებში ფსონები იმ გუნდებზე, სადაც თავად თამაშობდნენ.