"ერთხელ და სამუდამოდ შეაგნებინეთ უფროსებმა შვილებს, რომლებსაც, ალბათ, არ გისაუბრიათ მათთან ისტორიაზე, ან ვერ გისაუბრიათ, სულ რამდენიმე ისტორიული ფაქტი! ეს იმ ახალგაზრდების მშობლებს ეხება, ვინც დღეს ბევრს და უცნაური ტონით გვესაუბრება, რომ საქართველო უკრაინის ხარჯზე ცდილობს რაღაცეებსო და ა.შ.

1. 1989 წლის 9 აპრილის და იმ დღეს დაღვრილი ქართველების სისხლის დამსახურებაა დღეს რასაც იცავს უკრაინა - საკუთარ დამოუკიდებლობას!

2. 1989 წლის 9 აპრილის და იმ დღეს დაღვრილი ქართველების სისხლის დამსახურებაა დღეს ლიტვა, ლატვია და ესტონეთი სადაც არიან და როგორც არიან!

3. 1989 წლის 9 აპრილის და იმ დღეს დაღვრილი ქართველების სისხლის დამსახურებაა, რომ დღეს ევრაზიის კონტინენტზე, საუკუნეების მანძილზე მომთაბარე ტომებს ხახვივით შერჩათ ერად და დამოუკიდებელ, უმდიდრეს სახელმწიფოებად, წოდება და არსებობა!

რაც შეეხება საქართველოს, რას იმსახურებს, ისიც გააგებინეთ, რომ ევროპაში შობილი ფაშიზმისაგან, ისევ ევროპის გათავისუფლებისათვის საქართველომ, მსოფლიოში ყველაზე მეტი სიცოცხლე გაიღო პროცენტულად და მეორე მსოფლიო ომის მოგებაც ეროვნებით ქართველის დამსახურებაა (თუმცა ის როგორი ქართველიც იყო ისიც კარგად აუხსენით).

თუ ცალ-ცალკე დასჭირდება საფრანგეთს, იტალიასა და სხვა ევროპულ ქვეყნებს შევახსენოთ რას აკეთებდნენ და როგორ იბრძოდნენ მათ არმიებში ეროვნებით ქართველები, სხვადასხვა ომებში და რა მოუტანა მათმა თავგანწირვამ ამ ქვეყნებს, მაგასაც შევახსენებთ და აქაც სხვა ერებზე გაცილებით მაღლა ვდგავართ და ამაყად უნდა გვქონდეს თავი აწეული!

დღეს, ბერლინში კედლის ლამაზად მოხატულ ნაწილებთან ფოტოებს რომ იღებენ და პოზიორობენ, აუხსენით, რომ ის კედელი ბერლინს და შესაბამისად ევროპას ლამის 50 წელიწადი შუაზე ყოფდა და არ იყო ასეთი ლამაზი და არც იქ იდგა სადაც დგას, ასიათასობით ადამიანის სიცოცხლე შეიწირა, ასიათასობით ადამიანის ცხოვრება დაანგრია და ის კედელიც ქართველმა დაანგრია!
არავის დასამადლებელი და დასაყვედრებელი, მთელს დედამიწაზე, საქართველოს და ქართველებს არაფერი გვაქვს და მითუმეტეს ის, რის შენარჩუნებისთვისაც ვიბრძვით: ენა, მამული, სარწმუნოება!

ესაა რაც გვაქვს და გვინდა შევინარჩუნოთ და ამის შესანარჩუნებლად იმდენი სისხლი გვაქვს სხვის ომში დაღვრილი, საკუთარს აღარც კი ჩამოვთვლი, რომ დღეს 3, 5 მილიონი ძლივს ვართ!

ამოვიდა ყელში ზოგიერთი უწიგნური ან არაქართული სახელმძღვანელოებით განათლებამიღებული ნორჩი!

უკაცრავად მკაცრი პოსტისათვის, ვიცი შვილებს ეხება და სენსიტიურია, თუმცა ეს ჩვენი მომავალი თაობაა და რამდენიმე წელიწადში უბედურებას მოგვიტანს ის უვიცობა რაც ტრიალებს!

P.S. ბავშვების ლანძღვის ან შეურაცხყოფის შემცველ ყველა კომენტარს წავშლი!
გმადლობთ ყურადღებისათვის!"-წერს სოციალურ ქსელში ჟუნრალისტი და დიზაინერი ბაკურ ბაკურაძე.