"ამომრჩეველთა განათლების საზოგადოების" (VES) დამფუძნებელი, თამარ ჩერგოლეიშვილი, უკრაინაში მიმდინარე მოვლენებთან დაკავშირებით, რიგგარეშე სხდომის ჩატარების შესახებ ოპოზიციის მოთხოვნას სოციალურ ქსელში ეხმაურება და ყველა იმ პოლიტიკოსს, ვინც პრემიერ ღარიბაშვილის დღევანდელი სამარცხვინო განცხადების შემდეგ სახელისუფლებო პარტიასთან თანამშრომლობას რაიმე ფორმით კვლავ არ გამორიცხავს ყველას - "ჩმორს" უწოდებს.

პოლიტიკოსი, რომელიც ამის პარტიას რეზოლუციების მიღებას და თანამშრომლობას ეხვეწება, ჩემს თვალში ბოლო ჩმორია და პატივისცემას არ იმსახურებს!

მათი თქმით, საქართველოს ხელისუფლების დუმილი ქვეყანას სერიოზული ფასი დაუჯდება. ოპოზიციამ ხელისუფლებისგან ახალი რეზოლუციის მიღება მოითხოვა. საქართველოს პრეზიდენტმა მათი ეს მოთხოვნა დააკმაყოფილა, თუმცა "ქართულმა ოცნებამ" უკრაინაში რუსეთის ინტერვენციის შესახებ საგანგებო საპარლამენტო სესიის ჩატარებაზე უარი განაცხადა.

ცნობისთვის, საქართველოს პრემიერ- მინისტრმა ირაკლი ღარიბაშვილმა ცოტა ხნის წინ, უკრაინაში მიმდინარე ომის შესახებ კომენტარი გააკეთა. მისი თქმით, უკრაინამ ომი ვერ აიცილა და ამის გამო ყველაზე მეტად უკრაინელი ხალხი, სახელმწიფო დაზარალდება. როგორც ცნობილი ხდება, ღარაბაშვილი რუსეთისთვის არც სანქციების დაწესებას აპირებს.