ყველასათვის ცნობილია ფრაზა: "ყოველი ძლიერი მამაკაცის უკან დგას ძლიერი ქალი". დღეს სწორედ ასეთ ისტორიაზე მოგიყვებით.

გადაჭარბებული არ იქნება, თუ ვიტყვით, რომ დღეს მას მთელი მსოფლიო იცნობს. წარმატებულ ბიზნესმენს, გამომგონებელს და ინვესტორს, როგორც მისი, „სპეის ექს“-ის საკულტო მისიით, სადაც მან „ტესლა“-ს მანქანა კოსმოსში გაუშვა, ასევე ტიტულით - მსოფლიოს უმდიდრესი ადამიანი.

„სფეის ექს“ -ის დამფუძნებელი, აღმასრულებელი დირექტორი და წამყვანი დიზაინერი, აგრეთვე „ტესლა“ -ს თანადამფუძნებელი და აღმასრულებელი დირექტორი, „ექს.კომ“-ის თანადამფუძნებელი, რომელსაც ერთი წლის შემდეგ შეეცვალა სახელი და დაერქვა "პეიპალი", ცნობილი ამერიკელი ბიზნესმენი ილონ მასკია.

2016 წელს „ფორბს“-ის სიაში „მსოფლიოს ყველაზე ძლევამოსილი ადამიანები“ მან 24-ე ადგილი დაიკავა, 2021 წლის ნოემბერში კი მისმა შემოსავალმა 300 მილიარდ აშშ დოლარს გადააჭარბა, რითაც იქცა მსოფლიოს უმდიდრეს ადამიანად.

საქართველოში ალბათ ძნელად თუ მოიძებნება ადამიანი, ვისაც არ სმენია მასკის პროგრამის შესახებ, რომელმაც ბევრ ახალგაზრდას გაუკვალა გზა უკეთესი მომავლისკენ და მისცა სწავლის უფასოდ გაგრძელების შანსი აშშ-ში.

თუმცა, ბევრმა არ იცის, რომ ამ უძლიერესი მაგნატის უკან ძლიერი ქალი დგას, ეს მისი ერთადერთი და განუმეორებელი დედაა, რომელიც ისეთივე მაგარია (თუ მეტად არა), როგორც მისი ვაჟი.

მაიე მასკი, ილონ მასკის დედა, 74 წლის მოდელი და დიეტოლოგია. მას ილონის გარდა ჰყავს შვილები, კიმბალი და ტოსკა მასკები.

ის დაიბადა კანადაში და ახალგაზრდა ასაკში საცხოვრებლად სამხრეთ აფრიკაში გადავიდა, სადაც მისი ოჯახი კალაჰარის უდაბნოში ცხოვრობდა და სადაც მოიპოვა ცნობადობა.

1969 წელს მაიე იყო მის სამხრეთ აფრიკის სილამაზის კონკურსის ფინალისტი, მოგვიანებით მიიღო მაგისტრის ხარისხი დიეტოლოგიაში.

შვილებთან ერთად კანადაში დაბრუნების შემდეგ მან განაგრძო სამოდელო კარიერა და 50 წელზე მეტია ამშვენებს სხვადასხვა ჟურნალის გარეკანებს.

მისი მართლაც განსაცვიფრებელი მოდელის პორტფოლიოს გარდა, მაიე მასკი ცნობილია თავისი პრეზენტაციებით, როგორც კვების ექსპერტი მთელს მსოფლიოში. ის არის კარგი სპიკერი და აქვს მაგისტრის ხარისხი დიეტოლოგიაში.

ის აღიარებს, რომ მისი ინტერესია ასევე დაეხმაროს ბავშვებს, რათა უკეთესად იკვებონ სკოლებში, სადაც არ არის ბოსტნეულით მდიდარი რაციონი.

მაიე მშვენივრად მართავს თავის ყველა გატაცებას და ამტკიცებს, რომ სილამაზე ასაკთან ერთად არ ქრება.

ის არის ყველაზე მაგარი ბებია, რაც კი ოდესმე გინახავთ. მან სამოდელო კარიერა ჯერ კიდევ 60-იანი წლების ბოლოს დაიწყო, 15 წლის ასაკში.

მაიე მასკი 74 წლის წარმატებული მოდელი, თმას არ იღებავს და თითქმის არ იყენებს კოსმეტიკას.

მაიე შესანიშნავად უთავსებს ერთმანეთს ყველა მის საქმიანობას და გატაცებას, ამავე დროს, მშვენივრად ახერხებს იყოს მოდელი და 10 შვილიშვილის ბებია, 50 წლიანი წარმატებული სამოდელო კარიერით.