რელიგია სერაფიმე საროველი თუ ბერი გაბრიელი? 2022, 14 თებერვალი, 2:07 ახალგაზრდები, რომელთაც ტაძარში მამა გაბრიელის ხატის წინ უნდოდათ აენთოთ სანთელი, ვერ მიხვდნენ, რომ იმყოფებოდნენ სერაფიმე საროველის ხატის წინაშე (მიამსგავსეს ეს ორი წმინდანი ერთმანეთს).
როდესაც მღვდელმა აუხსნა, რომ მამა გაბრიელის ხატი მოპირდაპირე კედელზე იყო, ხოლო ეს იყო უდიდესი რუსი წმინდანი, ერთ–ერთი გაოგნდა და იკითხა: რუსი? მართლმადიდებელი?
ბავშვს გაუკვირდა, თუ რატომ ეკიდა ეკლესიაში რუსის ხატი!
ეროვნული ტრაგედიაა განათლების, შეგნებისა და რწმენის მკვეთრი დეფიციტი. თუმცა ვისი დანაშაულია ეს? ახლანდელ თაობას მართლმადიდებელ რუსეთთან აღარაფერი აკავშირებს, იგი რუსეთში მხოლოდ აგრესორს, პროვოკატორს, მისი სამშობლოს მიმტაცებელს, დაბალი კულტურის ერს ხედავს (და ასეცაა სამწუხაროდ!) მაგრამ არსებობს მარადიული ზოგადქრისტიანული ფასეულობები, რომლებიც საერთოა. ხელშეუხებია. მათზე სხვაგვარად გაფიქრებაც კი მკრეხელობაა. ბერი გაბრიელი განა რუსისთვის არაა წმინდანი? მაგრამ ვიცით, რომ ამის გააზრება სხვა სფეროა, სხვა განზომილებას მოითხოვს... დღეს საქართველოში ფიოდორ დოსტოევსკის ბუმია. არნახული სისწრაფით ითარგმნება ამ გენიოსი რუსის თითქმის ყველა ნაწარმოები (რაც მისასალმებელია). ქართველებს, განსაკუთრებით ახალგაზრდებს სიგიჟემდე უყვართ დოსტოევსკის – ამ ეპილეპტიური კონვულსიებითა და აპოკალიპტური ზმანებებით გათანგული რუსი მოაზროვნის ციტატების მოტანა. არ უყვართ ბოროტი რუსეთი, მაგრამ უყვართ "კეთილი, მესიანური" დოსტოევსკი. ისე სასურველია, ყველა ახალგაზრდამ იცოდეს, რომ ეს მწერალი სულით – ხორცამდე რუსია, რუსული სულის და რუსი ადამიანის მსოფლიო– ისტორიული დანიშნულების უდიდესი აპოლოგეტი, უფრო მეტადაც ვიდრე პუშკინი, ტურგენევი, ჩეხოვი, ბულგაკოვი და თვით ტოლსტოიც კი (რომელიც, საოცარია და მის თანამედროვე დოსტოევსკის ერთხელაც არ შეხვედრია ცხოვრებაში). 140 მილიონიან რუსეთთან არავინ და არაფერი ასოცირდება ისე, როგორც დოსტოევსკი. სწორედ მან განაცხადა, რომ რუსეთს ღმერთმა დააკისრა უდიდესი ზოგადსაკაცობრიო წმიდა მისია (დღეს კარგად ვხედავთ, რა მისიაცა აქვს მართლმადიდებელ რუსეთს დაკისრებული). ასე რომ, საფიქრალი ბევრია, იმდენია, რომ ათწლეულები გვეყოფა კიდევ.. თუ რა თქმა უნდა მშვიდობა იქნა. 390 შეფასება არ არის |
  |
Intermedia.ge © 2011-2024 წელი
საავტორო უფლებები დაცულია
 |
მკრეხელობაზე იყო საუბარი,ხოდა ამ ამბავის აქ "გამოჭენება" უკვე საღვთო სიტყვის უარყოფა და რაღაც პონტში მკრეხელობთ. ვიღაც არ სწავლობს,ვიღაცამ არ იცის,ვიღაცა ჩამორჩენილია და ა.შ. ეს უკვე განკითხვა სხვა ადამიანის. არადა განკითხვა,კრიტიკა კარგია განვითარებისთვის. ხო მართლა,მოდი ვიმკრეხელებ მეც,ილია მეორე არის რუსის აგენტი და ქვეყნის მტერი,ასევე ბიუჯეტის მჭამელი,როგორც ბევრი ბიუროკრატი. თუ ამბობთ,რომ ღარიბაშვილმა შეახრამუნა ბიუჯეტის ფული,მაშინ ილიაც ახრამუნებს უკვე დიდ
განათლებას რას ვეძახით ეს უნდა ითქვას და ამის მიხედვით უნდა ვისაუბროთ მის დეფიციტზე თუ სიჭარბეზე. ათობით წიგნის წაკითხვა არ არის ინტელექტი,ინტელექტი სხვა რამეა. მიღებული ინფორმაციის სწორად გამოყენება და სწორი დასკვნების გამოტანა. ლევან ბერძენიშვილი ერთერთ ყველაზე წიგნიერ პიროვნებად არის მიჩნეული ჩვენს ქვეყანაში,ბევრი აქვს წაკითხული და ბევრსაც წაიკითხავს,მაგრამ მიღებული ცოდნის არასწორი გაოყენების ნათელი მაგალითია. დარწმუნებული ვარ,რომ მიშა სააკაშვილსაც ბევრი აქვს წაკითხული,მათ შორის ბევრი ჰუმანიზმზე,მაგრამ ადამიანების წამების და მოკვლის თანაავტორია. არიან თუ არა ინტელექტუალები ეს ორინი,ჩემი აზრით არა. თუნდაც წვერიანები ავიღოთ,წმინდა საღვთო მცნებები იწყება ღმერთის მოწოდებით,რომ არ უნდა გვყვავდეს არავინ სათაყვანებელი მის გარდა და დედამიწის ზურგზე რამდენი წვერიან ასრულებს ამას? აკი ვთქვი,ადამიანები წმინდანებად ყავთ შერაცხულითქო