რაიმე ფილმის ან სერიალის ყურებისას გქონიათ შეგრძნება, თითქოს ესა თუ ის მომენტი უკვე ნანახი გაქვთ და უკვე წინასწარ იცით რა მოხდება? მოსაბეზრებელი კლიშეები ყველგანაა, განსაკუთრებით რომანტიულ კომედიებში, მაგალითად, ღარიბი გოგონა უყვარდება მდიდარ, გათამამებულ ბიჭს, რომელსაც ასევე გათამამებული მდიდარი შეყვარებული ჰყავს და მთელი ფილმის მანძილზე კომედიური დრამა მიდის, ან თუნდაც მძაფრსიუჟეტიან ფილმებში ყველაფერი ფეთქდება, მთავარი გმირი კი ნაკაწრის გარეშეა და მას მხოლოდ სახე შეიძლება ჰქონდეს გამურული. წარმოგიდგენთ სწორედ ასეთ კლიშეებს, რომლებიც უკვე ყველას ყელში გვაქვს ამოსული:

1. გოგონა შეყვარებულს შორდება და რამდენიმე დღე ტელევიზორის წინ ზის ნაყინის ქილით ხელში.

2. გენიოსები ყოველთვის სკეპტიკურები, აუტანლები არიან და უყვართ მეგობრების წყობიდან გამოყვანა

3. ურთიერთობას არკვევენ ყველაზე მოუხერხებელ მომენტში, მაგალითად მაშინ, როცა სამყაროა გადასარჩენი!

4. ბორკილებს მარტივად იხსნიან ქაღალდების საჭერით

5. მთავარი გმირი ყოველთვის ხელშეუხებელია და არასოდეს ზიანდება

6. იდეალურად დაგეგმილ ქურდობაში ყოველთვის რაღაც ხარვეზია

7. როდესაც საქმე აღმოსავლეთის კულტურას ეხება, მთავარი გმირები ჯარისკაცებს ან “ცუდ ბიჭებს" გაურბიან, სახურავებზე დარბიან და უცებ ჰარამხანაში ჩავარდებიან ხოლმე.

8. ბოევიკების გმირებს ნებისმიერი ტრანსპორტის მართვა შეუძლიათ, იქნება ეს წყალქვეშა გემი თუ კოსმოსური ხომალდი

9. სასიკვდილო იარაღად იყენებენ ყველაფერს, რაც კი ხელში მოხვდებათ

10. მიტოვებული ქარხანა, რომელიც რატომღაც მაინც ფუნქციონირებს, ნებისმიერი ბოევიკის ლოკაცია შეიძლება იყოს

11. დეტექტივები და მკვლევარები მუდამ იდეალურად გამოიყურებიან, მაშინაც კი, თუ საქმეზე ღამის 3 საათზე მიდიან

12. კომაში მყოფი გმირებიც კარგად გამოიყურებიან, შეიძლება თვეების მანძილზე არ გაიღვიძონ და ქალებს ზედმეტი თმაც არ ექნებათ სახეზე, მეტიც, ხანდახან მაკიაჟიც უსვიათ.

13. კრიმინალურ ექსპერტებს დანაშაულის ადგილზე სულ არ აინტერესებთ დამცავი კოსტიუმები ან ხელთათმანები

14. ცოლს გაშორებული მამაკაცები შვილებისთვის აპოკალიფსურ ფილმებში “წლის მამები" არიან

15. კოსმოსური ბრძოლები ყოველთვის ეფექტურია

16. მდიდარ მამაკაცს უბრალო ქალი უყვარდება, რომელთანაც საერთო არაფერი აქვს