საქართველო
"კატალიზატორმოხსნილი პრიუსია" - ნახეთ, ვის ამკობს ირაკლი ოქრუაშვილი აღნიშნული ეპითეტით
2021, 14 დეკემბერი, 12:02
პარტია "გამარჯვებული საქართველოსთვის" ლიდერი ირაკლი ოქრუაშვილი საქართველოს მეოთხე პრეზიდენტის, გიორგი მარგველაშვილის "მთავარი არხისთვის" მიცემულ ვრცელ ინტერვიუს სოციალურ ქსელში ეხმაურება და მას "კატალიზატორმოხსნილ პრიუსს" ადარებს.
"კატალიზატორმოხსნილი პრიუსია". "ზაქიჭამია" ან "ლოქოც" კი ზედმეტად კარგი შეფასებაა მარგველაშვილისთვის"- წერს თავდაცვის ყოფილი მინისტრი ირაკლი ოქრუაშვილი საქართველოს ექს- პრეზიდენტ გიორგი მარგველაშვილზე.
შეგახსენებთ, რომ "მთავარი აქცენტებისთვის" მიცემულ ინტერვიუში საქართველოს მეოთხემ პრეზიდენტმა, არაერთ თემაზე ისაუბრა, მათ შორის მიხეილ სააკაშვილზეც.
მარგველაშვილი, სამი პრეზიდენტის შეხვედრის ინიციატივით გამოდის, რამაც მისი თქმით, პოლიტიკური პოლარიზაცია საქართველოში ერთხელ და სამუდამოდ უნდა დაასრულოს, თუმცა რა გადაწყვეტილებას მიიღებს აღნიშნულ საკითხთან დაკავშირებით მოქმედი პრეზიდენტი, სალომე ზურაბიშვილი ჯერჯერობით უცნობია.
