საშემოდგომო მოდის ტენდენციებს თუ გადაავლებთ თვალს, აშკარად აღმოაჩენთ, რომ პოდიუმებზე ჯინსებმა "ფერი იცვალა" და მათი სტანდარტული, მუქილურჯი, ცისფერი, ან სულაც დახეულ-დაგლეჯილი იმიჯი ბზინვარე ფაქტურამ ჩაანაცვლა. დიახ, დიახ მოდაში მეტალის ბზინვარების მქონე ჯინსები შემოდის ჩემო კარგებო, სხვა საქმეა რამდენად მოგწონთ თქვენ ჯინსის ამგვარი ტრანსფორმაცია, თან ასეთი სტილის ჯინსი, ცოტა არ იყოს და "პრეტენზიული" რამეა, გამომდინარე იქედან, რომ მისი ტარება უზადო ფიგურის ქონას მოითხოვს, რადგან მეტალის ბზინვარება, ჩვენი სხეულის უმცირეს ნაკლსაც კი ერთი ორად გაუსვამს ხაზს. თუმცა მაინც გადავხედოთ უახლესი ტენდენციის ლუქებს და თავი მოვამზადოთ ჯინსის ახლებურად ტარებისთვის.