გიგა ბოკერიას მეუღლე, "ტაბულას" დამფუძნებელი თამარ ჩერგოლეიშვილი წერს, რომ სააკაშვილის სასამართლო გამოსვლა სწორედ იმ შინაარსის იყო, რის გამოც ის აღარც დემოკრატად მიიჩნევა, აღარც დემოკრატიის დამცველად და აღარც დემოკრატების პარტნიორად. მას ვერ წარმოუდგენია და შეუძლებელი ჰგონია მიშას ლიდერობით და მისი დროშით ივანიშვილის დამარცხება. ამის შესახებ ჩერგოლეიშვილი სოციალურ ქსელში წერს.

„მიშას გამოსვლა იყო ზუსტად იმ შინაარსის, რა შინაარსის გამოც ის დემოკრატად, დემოკრატიის დამცველად და დემოკრატების პარტნიორად აღარ განიხილება. არც ჩემთვის. არც - დასავლეთისთვის. p.s. ვის მოგწონთ ეს და ვის არა, თქვენი გემოვნების და პოლიტიკური პრიორიტეტების საკითხია.

სინანული არაფერ შუაშია. წარსულიც არაფერ შუაშია. მთელი მისი გზავნილი მხოლოდ იმას ადასტურებს რომ მესიანისტურ ნაციონალისტური პოპულიზმის მიღმა მას რესურსი, იდეა, ხედვა არ გააჩნია. მომავლის ხედვა აქვს კატასტროფული. მემემემე... ანუ ახალი არაფერი, უბრალოდ ვიფიქრე ციხიდან მაინც “იეშმაკებდა”. მაგრამ ვერ ხვდება.

მე ვერ წარმომიდგენია ივანიშვილის მიშათი დამარცხება. შეუძლებელი მგონია მიშას მიერ როდესმე ივანიშვილის დამარცხება. ან მიშას დროშით და ლიდერობით ივანიშვილის დამარცხება. რაც დიდხანს იქნება “მთავარ” ალტერნატივად მიშა, მით დიდხანს იქნება ბიძინა და ჩავიძირებით ჭაობში.

წარსულის მონატრება ვისთვისაც მოტივატორია ის ხალხი არ ყოფნის ბიძინას დამარცხებას. ამომრჩევლის მოტივატორი არის მომავალი. მე არ მენატრება წარსული (რაც ძალიან ძვირფასია ჩემთვის ცუდიან კარგიანად). მე მინდა მომავალი - თავისუფლება, და უკლებლივ ყველა მოქალაქის სიცოცხლის და ბედნიერებისკენ სწრაფვის უფლება (ყველა უმცირესობის, მათ შორის “ჩამოთრეულების” ჩათვლით) . მე მინდა დანაწილებული ძალაუფლება და ურთიერთკონტროლი. ეს გზა მიმაჩნია უალტერნატივოდ. მარტო ეს მიმაჩნია წინსვლის გზად! აი ეს მინდა მე, ესაა ჩემი მოტივატორი და არა წარსული.

მიშა განიზიდავს ოპოზიციისგან დასავლეთს მიშა განიზიდავს ადგილზე მათ, ვინც გამარჯვებისთვისაა სასიცოცხლოდ საჭირო. და ლიბერალური დემოკრატია სწორედ რეგიონის გათვალისინებითაა ერთადერთი იარაღი ჩვენს არსენალში. მიშას მუდმივი მარცხი 9 წლის განმავლობაშსი - საქართველოშიც და უკრაინაშიც მხოლოდ დემოკრატიის ღალატით და ძალაუფლებით შეპყრობითაა განპირობებული. ამიტომ დარჩა მარტო - და კიდევ უფრო იზოლირებული დარჩება თუ ასეთი სფიჩებით გააგრძელა და ან მე და ან არაფერი იძახა... მიშას პოლიტიკური წონა ბიძინას კონტროლის შენარჩუნების გარანტიაა... ბუნებრივია ეს არაა მიშას ბრალი მხოლოდ. უიდეო ოპოზიციური ელიტის დიდი ნაწილის ბრალია.

როცა მოტივატორი მარტო ძალაუფლების მატარებელზე მოხტომაა, თუნდაც წარმოსახვითი იყოს, დიდის გარშემო კონსოლიდაცია ხდება და ეს ბიძინას აძლიერებს.

ივანიშვილის დამარცხება მაინტერესებს და იმ იდეოლოგიის დამარცხება, რითაც ივანიშვილი მოვიდა და სააკაშვილი განასახიერებს იმ შინაარსს რაც 2012 ივანიშვილს ჰქონდა - ეთნოშოვნიზმი, ასავალ დასავლის ენა, სულ ივანიშვილისგან მოპარული ტრიუკებია. ჩემთვის ეგ ბიოლოგიურად მიუღებელია მთელი ცხოვრება და სააკაშვილსაც მხოლოდ მაგიტომ ვუჭერდი მხარს რომ ერთიან, სამოქალაქო იდეაზე დაფუძნებულ ერ სახელმწიფოს აკეთებდა და არა ეთნოშოვინისტურ ტერიტორიას.

ჩვენ თქვენ არ გიშლით ბიძინას არადემოკრატიულად დამხობას - აქაა თქვენი პრეზიდენტი, ციხიდან გიხმობთ გამწარებული, დამიხსენითო - უგდეთ ყური და დაიხსენით. გაიტაცეთ! დაამხეთ! დაიხსენით ის კაცი - აქ რა გინდათ? გორში წადით და უმღერეთ ოსანა", - წერს ჩერგოლეიშვილი.