მოდა (ფრანგ. mode, ლათ.-გან modus — ზომა, სახე, საშუალება, წესი) — არის ტერმინი, რომელიც გამომსახველობის (ექსპრესიის) გაბატონებულ მიმდინარეობას მიუთითებს, თუმცა ხშირად ასევე ასახავს გამოსახვის კერძო მანერას, სტილს, რომელიც ყველასთვის დამახასიათებელი არ არის. მასში ასევე ჩაქსოვილია იდეა, რომ მოდა უფრო სწრაფად იცვლება, ვიდრე კულტურა ზოგადად. ტერმინები "მოდური" ან "მოდიდან გასული" გამოიყენება ვინმეზე ან რაიმეზე, რომელიც ექსპრესიის თანამედროვე პოპულარული მოდის ფარგლებში ჯდება. ტერმინს ხშირად დადებითი მნიშვნელობა ენიჭება და სტილისა და მომხიბვლელობის სინონიმია. თუმცა ხანდახან მოდას ნეგატიური მნიშვნელობაც აქვს, როგორც ყოფიერების და მატერიალიზმის სინონიმს.

მოდა წარმოადგენს დროის განსაზღვრულ პერიოდში დამკვიდრებულ ტენდენციას გარკვეული საგნების ტარებისა, მათი ხმარებისა და ასევე მათი შექმნისა. ასეთი ტენდენცია როგორც წესი, დიდხანს არ გრძელდება. ის დროთა განმავლობაში საზოგადოებრივი პროცესების შედეგად ახალი მიმდინარეობითა და ტენდენციებით ნაცვლდება. ამიტომ მოდა იმ დროის წყობილებისა და იდეების გამოხატულებაა, რომელშიც ის იქმნება.

მოდის ინდუსტრიაში პირველი დიზაინერი იყო ინგლისელი ჩარლზ ფრედერიკ უორტი (1826-1895). თავდაპირველად, მას ჰქონდა ქსოვილების პატარა სახლი, შემდეგ მოდის სახლი პარიზში. ფაქტობრივად ტანსაცმლის დიზაინი და მისი შექმნა ხელთ ეპყრო უცნობ მკერავს, მისგან მაღალ მოდას მემკვიდრეობით ერგო სამეფო კარის ჩაცმის სტილი. წარმატების მაჩვენებელი იყო ის, რომ მას შეეძლო ეკარნახა მყიდველებისთვის თუ რა ჩაეცვათ. ეს ის პერიოდი იყო, როდესაც მოდის სახლმა დაიწყო მსახიობების დაქირავება, რათა დაეხატათ თანსაცმლის დიზაინი. ნახატის მეშვეობით კლიენტს შეეძლო დაენახა ტანსაცმლის სახე, ეს უფრო იაფი ჯდებოდა ვიდრე მზა ტანსაცმლის შეკერვა და მორგება მოდელზე, თუ კლიენტს დიზაინი მოეწონებოდა, ისინი უკვეთავდნენ, ეს იქცა შემოსავლის წყაროდ მოდის სახლისთვის, შეკვეთილი ტანსაცმელი ქმნიდა ფულს. ამგვარად დაინერგა ტრადიცია, დიზაინერები წინასწარ ხატავდნენ ტანსაცმელს, ე.წ. მოდურ ილუსტრაციებს.

პრაქტიკულად მაღალი მოდა წარმოიშვა პარიზში. შემდეგ ლონდონში. მოდის მაღაზიები სხვადასხვა ქვეყნებიდან აგზავნიდნენ მოდური ჟურნალების რედაქტორებს მოდურ ჩვენებებზე. მაღაზიის ხელმძღვანელები აგზავნიდნენ მყიდველებს, ე.წ. „ბაიერებს“ პარიზის მოდის ჩვენებებზე, სადაც ისინი იძენდნენ ტანსაცმელს რათა ასლი გადაეღოთ. ფაქტობრივად ისინი ღიად იპარავდნენ ტანსსაცმლის სტილს, ხაზს, მორთულობას და მთლიან დეტალებს.

მოდა! ძალიან გამომწვევი სიტყვაა, რომელიც მუდმივად მოითხოვს მიყოლას, მიუხედავად იმისა, უხდება თუ არა ვინმეს. სამწუხაროდ, მოდის უამრავი მსხევრპლი გვყავს და ვინ არის ამაში დამნაშავე, თუ არა თავად მოდა?

იმის მიუხედავად, რომ რამდენიმე წელია ბოტფორტები არ თმობენ ტრენდულობაში ასპარეზს, გოგონებმა მაინც არ იციან მათი სწორად გამოყენება. ამიტომ, დღევანდელ სტატიაში შემოგთავაზებთ 5 რჩევას იმ საშიშ კომბინაციაზე, რომელიც ვულგარულად წარმოგაჩენთ და არ უნდა გაიმეოროთ, რადგან ის, თქვენ იდეალურ იმიჯს აუცილებლად გააფუჭებს.

ბოტფორტებთან დაკავშირებული 5 შეცდომა - არ გაიმეოროთ!

1. ფატალური სიგრძე

ბოტფორტებს თუ მუხლამდე კაბებთან ჩაიცვამთ, ის თქვენს ფეხებს ძალიან დაამოკლებს, მიუხედავად იმისა, თუ ძალიან გრძელი ფეხები გაქვთ.

2. მჭიდრო კაბა

ბოტფორტების ტარება მჭიდრო კაბასთან დაუშვებელია. ასეთი იმიჯი წარმოგაჩენთ როგორც ძალიან მსუბუუქი ყოფაქცევის ქალს.

3. პარამეტრების გარეშე

რა თქმა უნდა, ასეთი ფეხსაცმელი ლამაზად გამოიყურება გამხდარი და გრძელფეხება გოგონების ტანზე. მაგრამ, თუ ბუნებამ არ მოგანიჭათ ასეთი პარამეტრები, უმჯობესია ფეხსაცმელი შეარჩიოთ არა ბარძაყებამდე სიგრძის და პატარა ქუსლზე.

4. ღრმა დეკოლტე

არაფერია იმაზე ვულგარული, ვიდრე ღრმა დეკოლტესთან ასეთი სიგრძის ჩექმები. შეეშვით ამ სტილს და დაუტოვეთ ის ნიკი მინაჟს.

5. ძალიან მოკლე კაბა

რა თქმა უნდა, ასეთი ჩექმები მოკლე ქვედაბოლოსთან ძალიან კარგად გამოიყურება, თუმცა ის ძალიან მოკლე არ უნდა იყოს.