Freeman Ranch ერთ-ერთია იმ 5 ფერმიდან, სადაც გვამების გახრწნას შეისწავლიან. ფერმაში არაფერი იზრდება, მხოლოდ იხრწნება. აქ ადამიანები სწავლობენ ადამიანის სხეულის გახრწნას სხვადასხვა პირობებში. ფერმის 16 ჰექტარზე მიმოფანტულია შიშველი ადამიანის 50 ცხედარი გახრწნისსხვადასხვა ეტაპზე.
ფერმა ტეხასის სახელმწიფო უნივერსიტეტის სასამართლო ანთროპოლოგიის ცენტრის ნაწილია. ეს არის ერთ-ერთი წამყვანი კვლევითი ინსტიტუტი, რომელიც სწავლობს ადამიანის ორგანიზმის რღვევას.
კვლევის პროცესში მიღებული ცოდნა ფასდაუდებელია მთელი მსოფლიოს სამართალდამცავი ორგანოებისთვის. ხოლო თავად Freeman Ranch-ის ღირებულება კიდევ უფრო იზრდება იმით, რომ ევროპაში ასეთი „ფერმები“ აკრძალულია.

დონორის სხეულებს მეცნიერები იყენებენ იმის გასარკვევად, თუ როგორ მოქმედებს სხვადასხვა ამინდის პირობები და რელიეფი ადამიანის სხეულების დაშლაზე.

ახალი ცხედრები თვეში რამდენჯერმე მიჰყავთ ფერმაში. მკვლევარებმა და კურსდამთავრებულებმა უნდა გაასუფთავონ და დაახარისხონ ახალი სხეულები, სანამ ისინი მოედანზე განთავსდებიან.
ადამიანების ცხედრები განლაგებულია ველური ბუნების ხელმისაწვდომ ღია ადგილას, ან მოთავსებულია სპეციალურ გალიებში. პირველი მეთოდი საშუალებას გაძლევთ შეისწავლოთ, თუ როგორ შეიძლება შეიცვალოს სხეული ცხოველების გავლენის ქვეშ, ხოლო მეორე - ბაქტერიების.

კვლევის სპეციფიკიდან გამომდინარე, ფერმას აქვს უსაფრთხოების სერიოზული სისტემა და მუდმივი მეთვალყურეობის ქვეშ იმყოფება. თუმცა, მკვლევარები აცხადებენ, რომ მათ არასდროს ჰქონიათ პრობლემა იმ ადამიანებთან, რომლებსაც მათ ტერიტორიაზე შეპარვა ენდომებოდათ.