როგორ მოვამზადოთ კიევური კატლეტი

კერძები ფრინველის ხორცისაგან

2021, 21 ნოემბერი, 11:10

ალბათ ძნელად მოიძებნება ადამიანი, განსაკუთრებით ის თაობა, რომელიც სსრკ-დან მოდის, რომელსაც კიევური კატლეტი გასინჯული ან გაგებული არ ჰქონდეს, ის ხომ რესტორნების მუდმივ მენიუში ირიცხებოდა, კიევური კატლეტი-უკრიანულ-რუსული სამზარეულოს კერძია.

ვ.ვ.პოხლიობკინის თქმით, ამ ტიპის კატლეტები გამოიგონეს 1912 წელს პეტერბურგში და ეწოდებოდა "ნოვო-მიხაილოვსკის კატლეტები", იქვე ახლოში მდებარე მიხაილოვსკის სასახლის საპატივცემლოდ. ანალოგიურად 1909 წელს პ.პ. ალექსანდროვ-იგნატიევამ განმარტა კატლეტების წარმოშობა და მათი სახელები: „ამ კატლეტებს ნოვომიხაილოვსკი ერქვა, რადგან პირველად დამზადდა პეტერბურგში, მიხაილოვსკაიას ქუჩაზე მდებარე სასოფლო-სამეურნოს კლუბში“

1918 წელს კიევში დაიწყეს ქათმის კატლეტების მომზადება კარაქის შიგთავსით, მაგრამ იმ დროს მათ პოპულარობა ვერ მოიპოვეს.

ომის შემდგომ, 1947 წელს ასეთი კატლეტები მომზადდა პარიზიდან დაბრუნებული საბჭოთა დელეგაციის საპატივცემულოდ, რომლებმაც ხელი მოაწერეს სამშვიდობო ხელშეკრულებებს გერმანიის ყოფილ სატელიტებთან. მოგვიანებით, ეს კერძი გამოჩნდა კრეშჩატიკის ერთ-ერთ რესტორანში, სახელწოდებით "კიევური კატლეტი", მოგვიანებით კი გახდა სტანდარტი "ინტურისტის" ქსელის ყველა რესტორნისთვის.სხვა ვერსიით კიევური კატლეტი გამოჩნდა ჯერ კიდევ XIX საუკუნეში და დაერქვა რესტორან " კიევის" მიხედვით, "კივურ კატლეტს" იბრალებენ ფრანგები და ამერიკელებიც, ამ უკანასკნელების მტკიცებით, ეს კერძი შექმნა აშშ-ში მცხოვრებმა უკრაინულმა დიასპორამ.

ახლა გადავიდეთ მთავარზე და გაგაცნობთ "კიევური კატლეტის" მომზადების წესს:

6 კატლეტის მომზადებისთვის საჭიროა: 3 ნაჭერი ქათმის მკერდი: 60 გრ კარაქი; 2 კვერცხი, 200 გრამი საფანელი;6 ს.კ ფქვილი; მარილი, ახლად დაფქული შავი პილპილი; 1 ლიტრი რაფინირებული მცენარეული ზეთი

გარეცხეთ ქათმის თითოეული მკერდი, მოაცალეთ ცხიმი და ძვლების და ხრტილების ნარჩენები. თუ სასწორი გაქვთ, გასუფთავებული ფილე აწონეთ. ჩვეულებრივ ერთი ბროილერის ფილე იწონის 250 გ.

თითოეული ფილედან ვიღებთ 2 კატლეტს. აუცილებელია, რომ ხორცის მომზადება თითოეული კოტლეტისთვის იწონის 80 გ -100 გრამს. თუ მკერდი 250 გ-ს იწონის, ვამზადებთ ორ ცალ კატლეტს.

ვამზადებთ ფილეს ორი კატლეტისთვის

ვახვევთ ცელოფანში

ვჟეჟავთ ჩაქუჩით, ისე, რომ 5 მმ სისქე მივიღოთ, ამის შემდეგ ვაყრით მარილს და ცმცირე დოზით შავ პილპილს

ავიღოთ კარაქი და დავჭრათ 6 ნაჭრად, ისე რომ ერთი ნაჭერი 60 გრამი იყოს(ექვსი კატლეტისთვის), შემდეგ ხელით ვაძლევთ მას ოვალურ ფორმას.

ვყრით ცივ წყალში, რათა ფორმა შეინარჩუნოს

შემდეგ ვახვევთ ფილეში, ისე რომ კარაქი მთლიანად დაფაროს ხორცმა, წინააღმდეგ შემთხვევაში შეიძლება შეწვის დროს კარაქმა გამოჟონოს.

ასე რულეტი უნდა მივიღოთ, სველი ხელებით რულეტს ხელი მოვუჭიროთ.რათა ზედმეტი ჰაერი გამოვიდეს.

ამის შემდეგ კატლეტის რულეტებს ვათავსებთ მაცივარში 30-40 წუთის მანძილზე.

ამასობაში ავიღოთ ორი კვერცხი და ავთქვიფოთ, გავამზადოთ ფქვილი და საფანელი. თანმიმდევრობა ასეთი იქნება:კატლეტი ამოვავლოთ ჯერ ფქვილში, შემდეგ ათქვეფილ კვერცხში და ბოლოს საფანელში.

დავალაგოთ დაფაზე კატლეტები შევდგათ მაცივარში 30 წუთით. თუ კატლეტების მომზადებას მოგვიანებით გეგმავთ, როგორც ნახევარფაბრიკატი, მაცივარში 12 საათზე მეტი არ შეინახოთ. შეგიძლიათ დილით მოამზადოთ ყველაფერი, საღამოს კი კატლეტები შეწვათ.

ავიღოთ ქვაბი, უმჯობესია სქელძირიანი და ფართო, ჩავასხათ 1 ლიტრი რაფინირებული ზეთი, რომლის დონეც ისეთი უნდა იყოს, რომ კატლეტები მთლიანად დაიფაროს, ე.ი. არანაკლებ 8 სმ. ზეთი კარგად გააცხელეთ 140 C ტემპერატურაზე; ტემპერატურა შეგიძლიათ შეამოწმოთ პურის ნაჭრის ჩაგდებით-თუ ბუშტუკებ გამოუშა, ე.ი.ზეთი კარგად არის გაცხელებული.ამის შემდეგ აკურატუკად ჩავუშვათ კატლეტები.

საშუალო ცეცხლზე შევწვათ 6 წუთის განმავლობაში, გადმოღების წინ მაინც გასინჯეთ, მცირე ნაჭერი მაოგლიჯეთ ერთ-ერთ კატლეტს, თუ ჯერ კიდევ უმია, ორიოდე წუთი შეგიძიათ კიდევ დააყოვნოთ.