ტრაგედია ნიუ-მექსიკოში, ვესტერნის ჟანრის ფილმის გადასაღებ მოედანზე მოხდა. 63 წლის ალეკ ბოლდუინმა, რომელიც ფილმში მონაწილეობს, შემთხვევით ესროლა და მოკლა 42 წლის ოპერატორი გალინა ჰაჩინსი და დაჭრა 48 წლის რეჟისორი ჯოელ სიუზა.
სცენარის მიხდვით, ბოლდუინმა იარაღიდან ისროლა, რომელშიც ნამდვილი ტყვიები აღმოჩნდა.

ჰაჩინსი საავადმყოფოში ვერტმფრენით გადაიყვანეს, მაგრამ ექიმებმა მისი გადარჩენა ვერ შეძლეს. სიუზა კრიტიკულ მდგომარეობაშია საავადმყოფოში.
პოლიცია ჯერ კიდევ იძიებს ინციდენტს. თავად მსახიობისთვის კი ბრალი ჯერ-ჯერობით არ წაუყენებიათ.

მსახიობმა პირველი კომენტარი თვითერის საშუალებით გააკეთა:

“სიტყვები არ მყოფნის, რომ გამოვხატო ჩემი შოკი და მწუხარება ტრაგიკული ინციდენტის გამო, რომელმაც გალინა ჰაჩინსის სიცოცხლე შეიწირა, მეუღლის, დედისა და ჩვენი უაღრესად პატივცემული კოლეგის. მე სრულად ვთანამშრომლობ პოლიციის გამოძიებასთან იმის გასარკვევად, თუ როგორ მოხდა ეს ტრაგედია და ვაგრძელებ კავშირს მის მეუღლესთან, ვთავაზობ დახმარებას მას და მის ოჯახს“.