პისტოლეტში, საიდანაც მსახიობმა ალეკ ბოლდუინმა შემთხვევით მოკლა ოპერატორი და დაჭრა რეჟისორი, ერთი საბრძოლო ვაზნა იდო. ამის შესახებ ჟურნალი Variety-ი ლოს ანჯელესის პროფკავშირის გასართობ გვერდზე გავრცელებულ ინფორმაციაზე დაყრდნობით იტყობინება.

"ცნობილმა მსახიობმა შემთხვევით გაისროლა გადაღების ადგილზე, რის შედეგადაც დაიჭრა ოპერატორსი და რეჟისორი" - ნათქვამია პროფკავშირის განცხადებაში.

შეგახსენებთ, ტრაგედია ნიუ-მექსიკოში, ფილმის "ჟანგის" გადაღებისას მოხდა. პისტოლეტი, საიდანაც მსახიობმა გაისროლა, ცარიელი ვაზნებით უნდა ყოფილიყო დატენილი. თუმცა, გასროლის დროს ტყვია ან ტყვიის ნატეხი მოხვდა მათ, ვინც ყველაზე ახლოს იყო მსახიობთან. კინოოპერატორი გალინა ჰატჩინსი გარდაიცვალა, რეჟისორი ჯოელ სოუზი კი საავადმყოფოში გადაიყვანეს.