დღეს, 24 ივლისს დილიდან "ფეისბუქში" სხვადასხვა ჯგუფებში და კერძო პირების მიერ გავრცელდა ინფორმაცია. იმის შესახებ, რომ ქალაქ კასპის #2 საჯარო სკოლის დირექტორი ქალბატონი ოლია მახარაძე თითქოსდა კორონავირუსის საწინააღმდეგო აცრიდან 5 საათში გარდაიცვალა.

"დამატებით გაცნობებთ, თუ რომელი ვაქცინა გახდა სკოლის დირექტორის გარდაცვალების მიზეზი, იუწყებოდა ერთ-ერთი ჯგუფი.

მალევე ამ ინფორმაციას გამოეხმაურა გარდაცვლილის შვილიშვილი – ნოდარ მახარაძე:

"ეს არის აბსოლუტური ტყული. მე ვარ პროფესიით ექიმი-რეანიმატოლოგი. სამწუხაროა, რომ ასეთი ცრუ ინფორმაცია ვრცელდება. ბებია აიცრა 6 ივლისს და თავს კარგად გრძნობდა. მას მეორე დოზა უწევდა 27 ივლისს. ბებიას ჰქონდა გულის ჩივილები და დადგა კარდიული სიკვდილი. ვაქცინა აქ არაფერ შუაშია, “ – განაცხადა ნოდარ მახარაძემ.

ამასვე ადასტურებს "ფეისბუქზე" გამოქვეყნებული კასპის მინიციპალიტეტის მერიის სამძიმრის წერილი, სადაც არსად, არცერთ კომენტაარში არ არის ნახსენები, რომ ქალბატონ ოლია მახარაძას გარდაცვალების მიზეზი გახდა აცრა.