სადისციპლინო კომისიამ იმსჯელა ნორვეგიის, ქვიშის ხელბურთის გოგონათა ნაკრების ქმედებაზე და ერთხმად მიიღო გადაწყვეტილება-ნაკრებს დაეკისრა ჯარიმა.
დაჯარიმების მიზეზი გახდა გოგონათა ნაკრების მიერ უარის თქმა შეჯიბრებაზე გამოსულიყო ბიკინებით და შეჯიბრებაზე მონაწილეობის მისაღებად სათამაშო მოედანზე გამოცხადდა შორტებით.
სპორტის ამ სახეობის წესები მოითხოვს მონაწილეებმა (გოგონებზეა საუბარი) ითამაშონ ბიკინებით, ეკიპირება არ უნდა ფარავდეს მთლიანად საჯდომს.

ნორვეგიელთა ნაკრები ესპანეთის ნაკრებთან სათამაშოდ გამოვიდა ბიკინების ნაცვლად შორტებით რამაც მატჩის ჩაშლა და ნაკრების სიმბოლური თანხით 1500 ევროთი დაჯარიმება გამოიწვია.
სპორტის ამ სახეობის ექსპერტების თქმით, ქვიშის ხელბურთში გოგონებს უნდა ეცვათ ეკიპირება, რომელიც გოგონას საჯდომის მხოლოდ 10%-ს უნდა ფარავდეს.
როგორც ზედა სურათზე ჩანს ნორვეგიელთა ნაკრებმა ეს მოთხოვნა დაარღვია.
რაც მთავარია ნაკრების წევრებმა ეს გააკეთეს მოფიქრებულად. შეჯიბრების დაწყებამდე ნორვეგიის ქვიშის ფრხელბურთის ქალთა ნაკრებმა თხოვნით მიმართა ევროპის ფდერაციას, რათა ნება დაერთო ნორვეგიელებისათვის შეჯიბრებაში მონაწილეობა მიეღო ბიკინის ნაცვლად შორტებით, მაგრამ მათ უარით უპასუხეს.
მიუხედავად ამისა ნორვეგიელები შეხვედრაზე შორტებით გამოცხადდნენ რამაც მათი დაჯარიმება გამოიწვია.
"ჩვენ ვიცოდით რაზე მივიოდით, მაგრამ ერთხმად გადავწყვიტეთ გამოვსულიყავით შორტებით და დავლოდებოდით მოვლენების განვითარებას"-განაცხადა ნორვეგიელმა ხელბურთელმა კატინკა ხალტვიკმა.

ამ დემარშით ნორვეგიელმა გოგონებმა გადაწყვიტეს ეჩვენებინათ სხვა ნაკრებებისათვის, რომ დროა ევროპის ფედერაციამ შეცვალოს წესები და გუნდებს მიეცეს არჩევანის გაკეთების უფლება.
მათი თქმით ღია ბიკინებით თამაში მათ თამაშისას დისკომფორტს უქმნის.

ნორვეგიელები კი უკან დახევას არ აპირებენ, ნორვეგიის ხელბურთის ფედერაციის პრეზიდენტმა კარე გეირ ლიომ განაცხადა: "ფედერაცია არ გაასაჩივრებს ჯარიმას, მაგრამ იმედი აქვს მსოფლიო ჩემპიონატის დაწყებამდე მიიღებს გადაწყვეტილებას, რათა გუნდებს შეეძლოთ ეკიპირების არჩევა და ჩაიცვან ის რაც მათ თამაშისას არ შეუქმნის დისკომფორტს".
ქვიშის ხელბურთში მსოფლიო ჩემპიონატი გაიმართება 2022 წელს.