ენტერიტი ეწოდება წვრილი ნაწლავის ანთებას. ზოგჯერ, ანთება შეიძლება მოიცავდეს კუჭსაც, რასაც გასტრიტი ეწოდება ან მსხვილ ნაწლავს, რომელსაც კოლიტი ეწოდება.

არსებობს რამოდენიმე სახის ენტერიტი. ყველაზე ხშირია:

• ვირუსული და ბაქტერიული ენტერიტი
• რადიაციით გამოწვეული
• მედიკამენტებით გამოწვეული
• ალკოჰოლით გამოწვეული
• ენტერიტი, გამოწვეული ცუდი სისხლის დინებით

ენტერიტის სიმპტომები შეიძლება მოიცავდეს ცხელებას, ღებინების შეგრძნებას, ღებინებას, დიარეას და მუცლის ტკივილს. ვირუსული ენტერიტი, როგორც წესი თავისით ინკურნება რამოდენიმე დღეში – მედიკამენტების გამოყენების გარეშე. თუმცა, თუ ენტერიტის სიმპტომები გაქვთ 3-4 დღეზე მეტხანს, უმჯობესია მიაკითხოთ ექიმს. სიმპტომები შეიძლება დაიწყოს, ინფექციიდან რამდენიმე საათის ან დღის შემდეგ.

ინფექციური ენტერიტი:

ბაქტერიული ენტერიტი ყველაზე ხშირად გამოწვეულია სურსათისმიერი მოწამვლისგან – როგორც საკვებიდან ასევე წყლიდან. სურსათი, რომელიც ყველაზე ხშირადაა სურსათით დაავადების მიზეზი, მიეკუთვნება უმი ფრინველის და საქონლის ხორცი, არაპასტერიზებული რძე, ახალი (გაურეცხავი) ხილ-ბოსტნეული.

ენტერიტის გამომწვევ ბაქტერიებს, ხშირად მიეკუთვნება სალმონელა, ეშერიხია კოლი, ოქროსფერი სტაფილოკოკი, კამპილობაქტერ ჯეჯუნი, შიგელა და ბაცილუსის სახეობები.

რადიაციული ენერიტი, რადიაციული თერაპიის შემდეგ დგება. ვინაიდან, რადიაცია სიმსივნურ უჯრედებთან ერთად კლავს/აზიანებს ჯანსაღ უჯრედებსაც, ნაწლავური უჯრედების დაზიანების გამო, შესაძლოა განვითარდეს ანთებითი პროცესები.

ინფექციური ენტერიტების თავიდან ასარიდებლად აუცილებელია სურსათის უვნებლობასთან დაკავშირებული წესებისა და რეკომენდაციების დაცვა,