ნამოხვანჰესის საწინააღმდეგო აქცია ნელ-ნელა ხურდება და საზოგადოებაც სიახლეების მოლოდინშია, რიონის ხეობის მცველების აზრით ეს აქცია ყოვლად აპოლიტიკური და უპარტიო უნდა იყოს, წინააღმდეგ შემთხვევაში გამოიწვევს ესკალაციას და ინტერესთა კონფლიქტს შიგნით აქტივისტებს შორის და ხალხსაც იმედი გაუცრუვდებათ აქტიური პოლიტიკური პროცესების მიმართ.

გუშინ, გამართულ აქციაზე რიონის ხეობის მცველებმა, ხელისუფლებას მოუწოდეს, დღეს 12 საათამდე მიეღოთ გონივრული გადაწყვეტილება და ქვეყნისთვის საზიანო ხელშეკრულება გაეუქმებინათ, რაც უცხოური კომპანიისთვის მიზერულ ფასად მიწის გადაცემას ითვალისწინებს. თუმცა, დღეს გამართულ ბრიფინგზე ირაკლი ღარიბაშვილმა რიონის ხეობის მცველები 90-იანების გადმონაშთს შეადარა და მათთან საუბარი და კომუნიკაცია მინიმალურ ზღვრამდე დაიყვანა.

დღეს, საგანგებო ბრიფინგზე ვარლამ გოლეთიანმა, მთლიანად შეაჯამა დღემდე არსებული ვითარება და ისაუბრა იმ ტყუილებზე, რომლებსაც ხელისუფლება მუდმივად მიმართავდა მათთან საკომუნიკაციოდ და ყოველ ჯერზე გადაგდების ტაქტიკას იყენებდა, ამიტომაც გადაწყდა რომ 26 მაისი გაიმართება არა თავისუფლების მოედანზე, არამედ იქ სადაც ნამდვილად ქართველი ხალხი დგას და სადაც თავისუფლებისთვის იბრძვიან.